Aqmola oblystyq densaýlyq saqtaý basqarmasy basshysynyń orynbasary Nariman Syzdyqov koronavirýske qarsy vaktsina saldyrdy, dep habarlaidy "Ult aqparat".
Nariman Syzdyqovqa reseilik «Spýtnik V» vektorlyq vaktsinasy salyndy.
«Ózimdi óte jaqsy sezinip otyrmyn. Qysymdy tekserip kórdi. Bári jaqsy. Mynadai peidj berdi onymen jarty saǵat ishinde statsionar beketinde baqylaýdan ótýge tiispiz. Bári kútkendegidei reaktsiia boldy. Azdap basym ainalǵandai álsizdik basqandai boldy. Biraq bári qalypty. Úsh kúnge deiin shomylýǵa, alkogoldik sýsyndardy qoldanýǵa bolmaidy. Ekpe egilgennen keiin úsh kún dárigerdiń baqylaýynda bolamyn, – dedi ol. Nariman Syzdyqov.
Aita keteiik, QR Densaýlyq saqtaý ministrliginen aimaqqa reseilik «Spýtnik V» vektorlyq vaktsinasynyń 1100 dozasy jetkizildi.
Vaktsinany birinshi kezekte juqpaly aýrýlar aýrýhanalarynyń, meditsinalyq jedel járdemniń, reanimatsiia jáne qarqyndy terapiia bólimshesiniń, qabyldaý bólmeleriniń, statsionarlyq kómek kórsetetin meditsina qyzmetkerleri, KVI bar patsientterge tikelei qatysy bar sanitarlyq – epidemiologiialyq qyzmet qyzmetkerleri alady.
Oblysta vaktsina salý jumysy 24 egý pýnktinde júrgizýde. Keiin qalǵan partiia túsken kezde qalǵan egý kabinetteri men kóshpeli brigadalardy iske qosý josparlanýda. 1104 meditsina qyzmetkeri jumysqa tartylyp, arnaiy daiyndyqtan ótti.
