Aqmola oblysynyń bas memlekettik sanitarlyq dárigeri Ainagúl Mýsina jýrnalistermen ótkizgen brifingte óńirde koronavirýs infektsiiasyna qarsy ekpe egý barysy týraly aitty, dep habarlaidy "Ult aqparat".
Óńirdiń bas memlekettik sanitarlyq dárigeriniń aitýynsha, qańtardyń 31-de oblysqa «Spýtnik V» vaktsinasynyń 1300 dozasy tústi. Elimizdegi siiaqty 1 aqpannan bastap óńirde koronavirýs infektsiiasyna qarsy vaktsina salý naýqany bastaldy. Úkimetten bólingen qarajat esebinen vaktsinalaýǵa jatatyn adamdardyń kontingenti anyqtaldy. Alǵashqy vaktsinalardy meditsina qyzmetkerleri men sanitarlyq-epidemiologiialyq qyzmet qyzmetkerleri alady.
«3 aqpandaǵy málimet boiynsha óńirde barlyǵy 365 adam egildi. Eger birinshi kúni 130 adam vaktsina alsa, ekinshi kúni – 135 adam, qazir kestege sáikes bizde kúnine 100 - ge jýyq adam ekpe alady», - dep túsindirdi A.Mýsina.
Jalpy, 11 myń meditsina qyzmetkeri vaktsinalaýǵa jatady, olardyń 596 – sy infektsiialyq statsionarlardyń jáne 856 – sy jedel járdemniń qyzmetkerleri. Aimaqtyń bas sanitarlyq dárigeri vaktsinany alǵashqylardyń biri bolyp aldy.
«Vaktsina salynǵan aqmolalyqtarda eshqandai janama áserler tirkelgen joq. Barlyǵynyń jaǵdaiy qanaǵattanarlyq. Búgin meniń vaktsina alǵanyma úshinshi kún. Monitoring júrgizilýde. Meditsina qyzmetkerleri qońyraý shalyp jatyr», - dep tolyqtyrdy ol.
