Sýret: TJM
Aqmola oblysynda mektep qazandyǵynda jarylys bolyp, saldarynan úsh adam zardap shekti. Aqparatty Tótenshe jaǵdailar ministrliginiń resmi ókili Rýslan Imanqulov rastady, - dep habarlaidy Tengrinews.kz.
TJM málimetinshe, oqiǵa 18 qarashada saǵat 12:18-de Arshaly aýyly, Pisarev kóshesi, 18 úide bolǵan.
"Táshenov atyndaǵy orta mektep aýmaǵynda, jeke qazandyqta qatty otynmen jumys isteitin jylytý qazandyǵy jarylyp, ǵimarat qurylymy buzylǵan", - dedi Rýslan Imanqulov.
Úsh adam aýrýhanaǵa jatqyzyldy: 1983 jyly týǵan úi-jai basqarýshysy, 1990 jyly týǵan elektrik jáne 1967 jyly týǵan ot jaǵýshy.
"Zardap shekkenderdiń bári esin biledi, jaǵdai naqtylanyp jatyr", - dep tolyqtyrdy Tótenshe jaǵdailar ministrligi ókili.
Mektep qashyqtan oqytýǵa kóshken. Jergilikti atqarýshy organdarmen sol jerde jedel shtab qurylyp, zardaptardy joiý jáne jylýmen qamtamasyz etý sharalary júrgizilip jatyr.
