سۋرەت: تجم
اقمولا وبلىسىندا مەكتەپ قازاندىعىندا جارىلىس بولىپ, سالدارىنان ٷش ادام زارداپ شەكتٸ. اقپاراتتى تٶتەنشە جاعدايلار مينيسترلٸگٸنٸڭ رەسمي ٶكٸلٸ رۋسلان يمانقۇلوۆ راستادى, - دەپ حابارلايدى Tengrinews.kz.
تجم مەلٸمەتٸنشە, وقيعا 18 قاراشادا ساعات 12:18-دە ارشالى اۋىلى, پيسارەۆ كٶشەسٸ, 18 ٷيدە بولعان.
"تەشەنوۆ اتىنداعى ورتا مەكتەپ اۋماعىندا, جەكە قازاندىقتا قاتتى وتىنمەن جۇمىس ٸستەيتٸن جىلىتۋ قازاندىعى جارىلىپ, عيمارات قۇرىلىمى بۇزىلعان", - دەدٸ رۋسلان يمانقۇلوۆ.
ٷش ادام اۋرۋحاناعا جاتقىزىلدى: 1983 جىلى تۋعان ٷي-جاي باسقارۋشىسى, 1990 جىلى تۋعان ەلەكتريك جەنە 1967 جىلى تۋعان وت جاعۋشى.
"زارداپ شەككەندەردٸڭ بەرٸ ەسٸن بٸلەدٸ, جاعداي ناقتىلانىپ جاتىر", - دەپ تولىقتىردى تٶتەنشە جاعدايلار مينيسترلٸگٸ ٶكٸلٸ.
مەكتەپ قاشىقتان وقىتۋعا كٶشكەن. جەرگٸلٸكتٸ اتقارۋشى ورگاندارمەن سول جەردە جەدەل شتاب قۇرىلىپ, زارداپتاردى جويۋ جەنە جىلۋمەن قامتاماسىز ەتۋ شارالارى جٷرگٸزٸلٸپ جاتىر.
