Aqmola oblysy Qorǵaljyn aýdany Sabyndy aýylynda gaz ballony jarylyp saldarynan úsh adam qaitys boldy jáne 16 adam túrli deńgeide zardap shekti. Bul týraly ULT.KZ, KAZ.INFORM.KZke silteme jasap habarlaidy.
Foto: Viktor Fediýnin/ Kazinform
Kazahstan Qazaqstan Respýblikasy Tótenshe jaǵdailar ministrligi Aqmola oblysy Qorǵaljyn aýdany Sabyndy aýylynda gaz ballony jarylyp saldarynan úsh adam qaitys boldy jáne 16 adam túrli deńgeide zardap shekti. Bul týraly oblystyq Tótenshe jaǵdailar departamenti habarlaidy.
Tótenshe jaǵdai aýyldaǵy burynǵy meshitte as berý kezinde bolǵan.
«Oqiǵa ornyna jedel jetken qutqarýshylar alty gaz ballonyn alyp shyqty, barlyǵy jeti gaz ballony bolǵan. Jarylystan 1978 jyly týǵan er adam qaitys boldy. Sonymen qosa qutqarýshylar úiindilerdiń astynan 1983 jyly týǵan áiel men 2012 jyly týǵan jetkinshektiń denesin tapty. Jedel meditsinalyq járdem brigadasy zardap shekken 16 adamdy Astana qalasynyń qalalyq aýrýhanasyna jetkizdi», - delingen habarlamada.Qazir gaz jarylysy bolǵan jerde jeke quramnyń 30-ǵa jýyq mamany jáne 5 TJD tehnikasy, sondai-aq jedel qutqarý jasaǵy, apattar meditsinasy ortalyǵy, psihologtar men Astana qalasynyń kinologiialyq qyzmeti jumys istep jatyr.
«Tótenshe jaǵdaidyń sebebin anyqtaý úshin Aqmola oblysy jáne Astana qalasy TJD zertteý synaq órt zerthanasy taǵaiyndaldy. Aqmola oblysy TJD bazasynda jedel shtab ashyldy, 87162520950 jedel jelisiniń telefony jumys isteidi», - dep eskertedi óńirlik TJD.
Eske salsaq, buǵan deiin Tótenshe jaǵdailar ministrligi halyq gaz quiyp júrgen ballondardyń kóbi jaramsyz ekenin eskertken edi.
