Aqmola oblysynda er adam prokýratýra men AIID jumysshylaryn jaraqattap, keiin ózine-ózi oq atqan, - dep habarlaidy Tengrinews.kz Aqmola oblystyq IID-niń baspasóz qyzmetine silteme jasap.
"20 shildede saǵat 14.35-te belgisiz bireý "Folksvagen Passat" kóliginde otyryp, Tselinograd prokýratýrasynyń ákimshilik ǵimaratynyń mańynda prokýratýra jumysshysy men Tselinograd aýdandyq IIB qyzmetkerine oq atqan. Qyzmetker qyzmettik babymen sol mańda bolǵan. 14.45-te jedel-izdestirý sharalarynyń barysynda kólik tabylyp, sonda kúdiktiniń máiiti anyqtalǵan. Ol óz-ózine júrek tusyna oq atqan", - dep habarlady IID ókilderi.
Sondai-aq, 61 jastaǵy kúdiktiniń qylmystyq is boiynsha sottalýshy retinde kúdikke ilingeni anyqtaldy. Ol antikorrýptsiialyq qyzmet tergep jatqan aqsha jymqyrý deregi boiynsha kúdikti bolǵan. Qarý tárkilenip, saraptamaǵa joldanǵan. Tergeý júrip jatyr.
"Zardap shekkenderdiń jaǵdaiy turaqty, olarǵa ýaqtyly meditsinalyq járdem kórsetildi", - dedi vedomstvo ókilderi.
