اقمولا وبلىسىندا ەر ادام پروكۋراتۋرا مەن اٸٸد جۇمىسشىلارىن جاراقاتتاپ, كەيٸن ٶزٸنە-ٶزٸ وق اتقان, - دەپ حابارلايدى Tengrinews.kz اقمولا وبلىستىق ٸٸد-نٸڭ باسپاسٶز قىزمەتٸنە سٸلتەمە جاساپ.
"20 شٸلدەدە ساعات 14.35-تە بەلگٸسٸز بٸرەۋ "فولكسۆاگەن پاسسات" كٶلٸگٸندە وتىرىپ, تسەلينوگراد پروكۋراتۋراسىنىڭ ەكٸمشٸلٸك عيماراتىنىڭ ماڭىندا پروكۋراتۋرا جۇمىسشىسى مەن تسەلينوگراد اۋداندىق ٸٸب قىزمەتكەرٸنە وق اتقان. قىزمەتكەر قىزمەتتٸك بابىمەن سول ماڭدا بولعان. 14.45-تە جەدەل-ٸزدەستٸرۋ شارالارىنىڭ بارىسىندا كٶلٸك تابىلىپ, سوندا كٷدٸكتٸنٸڭ مەيٸتٸ انىقتالعان. ول ٶز-ٶزٸنە جٷرەك تۇسىنا وق اتقان", - دەپ حابارلادى ٸٸد ٶكٸلدەرٸ.
سونداي-اق, 61 جاستاعى كٷدٸكتٸنٸڭ قىلمىستىق ٸس بويىنشا سوتتالۋشى رەتٸندە كٷدٸككە ٸلٸنگەنٸ انىقتالدى. ول انتيكوررۋپتسييالىق قىزمەت تەرگەپ جاتقان اقشا جىمقىرۋ دەرەگٸ بويىنشا كٷدٸكتٸ بولعان. قارۋ تەركٸلەنٸپ, ساراپتاماعا جولدانعان. تەرگەۋ جٷرٸپ جاتىر.
"زارداپ شەككەندەردٸڭ جاعدايى تۇراقتى, ولارعا ۋاقتىلى مەديتسينالىق جەردەم كٶرسەتٸلدٸ", - دەدٸ ۆەدومستۆو ٶكٸلدەرٸ.
