Aqmola oblysynda er adam iz-túzsiz joǵalyp ketti

Aqmola oblysynda Shortandy aýdanynyń iz-túzsiz joǵalǵan 42 jastaǵy turǵyny izdestirilýde, dep habarlaidy QazAqparat.

Oblystyq politsiia departamenti baspasóz qyzmetiniń málimetinshe, 7 qazanda Shortandy aýdandyq politsiia bólimine jergilikti turǵyn 42 jastaǵy áiel habarlasyp, iz-túzsiz joǵalǵan 1974 jyly týǵan kúieýi Saǵyndyq Qasanaiuly Bimúrzenovty tabýǵa kómek surady. 

Áieldiń sózinshe, kúieýi 6 qazanynda saǵat 14:00 shamasynda úiinen kók tústi «Ýral» velosipedimen shyǵyp ketken, sodan beri habarsyz.

Saǵyndyqtyń boiy 184 sm, dene bitimi ortasha, shashy qysqa qiylǵan, arasynda aq shashtary bar, kózderi erekshe belgileri joq. 

Ústinde tótenshe jaǵdailar bólimi qyzmetkeriniń arnaiy kiimi, aiaǵynda qara tústi kebis, sondai-aq, ózimen birge «Samsýng A-40» markaly uialy telefony bolǵan.

«Izdestirý is-sharalaryna Shortandy aýdandyq politsiia bóliminiń qyzmetkerleri, Tótenje jaǵdailar bóliminiń qyzmetkerleri men eriktiler jumyldyryldy. Politseiler beinebaqylaý kameralarynyń jazbalaryn zerttedi, qonaq úiler, jalǵa alynǵan páterler, qaraýsyz qalǵan qurylystar, saiajai massivteri, qoǵamdyq kólik júrgizýshileri jáne jeke tasymaldaýmen ainalysatyn taksi júrgizýshilerimen jumys júrgizilýde», - dedi vedomstvodan.

Osy rette, politsiia qyzmetkerleri joǵalǵan adam týraly qandaida bir málimeti adamdarǵa 102 telefonyna habarlaýdy suraidy.