Aqmola oblysynda ótip jatqan «Brakoner» jedel aldyn alý sharasy barysynda tórt elik atqan 3 brakoner ustaldy, dep habarlaidy "Ult aqparat" oblystyq PD baspasóz qyzmetine silteme jasap.
Vedomstvonyń málimetinshe, qazannyń 18-de Kókshetaý qalalyq PB kezekshilik bólimine «Tulpar-2» ekipajy habarlasyp, «Kókshetaý-Rýzaevka» avtojolynyń 25 shaqyrymynda Kókshetaý qalasynyń 28 jastaǵy turǵyny basqarǵan «Niva» kóligi toqtatylǵany jáne kólik ishinen tórt eliktiń eti, tegis uńǵymaly 16 kolibrli myltyq pen 26 oq-dári tabylǵanyn aitqan. Tekseris kezinde bularǵa ruqsat qujattary bolmaǵan. Kólik ishinde júrgizýshiden bólek, oblys ortalyǵynyń 28 jáne 52 jastaǵy turǵyndary bolǵan.
«Qazirgi kezde Qylmystyq kodekstiń 337 babynyń 1 bóligi «zańsyz ańshylyq» boiynsha sotqa deiingi tergeý amaldary júrgizilýde», - dedi vedmstvodan.
Sonymen birge, tabiǵatty qorǵaý politsiiasy bóliminiń qyzmetkerleri men «Ohotzooprom» respýblikalyq memlekettik kásipornynyń inspektorlary Zerendi aýdanynyń Viktorovka aýylynyń mańyndaǵy Aidabol kólinde zańsyz balyq aýlaý oqiǵasy anyqtady.
