Aqmola oblysynda koronavirýske qarsy reseilik «Spýtnik V» vaktsinasyn salý jumystary júrgizilýde. Aqmola oblysy sanitarlyq-epidemiologiialyq baqylaý departamentiniń málimeti boiynsha, saǵat 11:00 jaǵdai boiynsha óńirde 42 adam vaktsina aldy, dep habarlaidy "Ult aqparat".
Birinshi bolyp vaktsina Aqmola oblysy ákiminiń orynbasary Ǵalymjan Ábdihalyqovqa, DSEK basshysy, oblystyń bas memlekettik sanitarlyq dárigeri Ainagúl Mýsinaǵa, Densaýlyq saqtaý basqarmasy basshysynyń orynbasary Nariman Syzdyqovqa, Aqmola oblystyq kópbeiindi aýrýhananyń direktory, qalalyq máslihat depýtaty Nurlan Jarovqa, DSEK orynbasary Sáýle Sádýaqasovaǵa, Kókshetaý qalasynyń ESEK basshysy Qanat Ysqaqovqa, Aqmola oblysy ákimi apparatynyń basshysy Azamat Qapyshevqa jáne taǵy 30-dan astam adamǵa salyndy. Birinshi kezekte vaktsina alǵandar - bul bólim meńgerýshileri men aimaq bólimderiniń basshylary.
Atap aitsaq, Aqmola oblysynyń ákimi Ermek Marjyqpaev jaqynda koronavirýsten emdelip shyqty. Sol sebepti, oǵan alty aidan keiin ǵana egýge bolady. Aimaq ákiminiń basqa orynbasarlary da jazda koronavirýspen aýyryp shyqty.
Josparǵa sáikes, 2021 jyldyń 1 aqpanyna Aqmola oblysynda 120 adam vaktsina alýy tiis.
Búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
