Foto: SS0 / Konstantin Kolosov
Aqmola oblysynyń ákimdigi Astrahan aýdanynyń ákimshilik-aýmaqtyq qurylysyn ózgertý týraly qaýlynyń jobasyn jariialady. Qujatqa sáikes aýdanda bir eldi meken qyzmetin toqtatady, dep habarlaidy «Ult aqparat».
Ákimdik Aqmola oblysy Astrahan aýdany Jaltyr aýyldyq okrýginiń Aqbeiit aýylyn ózge qonystar sanatyna aýystyryp, Aqmola oblysy Astrahan aýdany Jaltyr aýyldyq okrýginiń Jaltyr aýylynyń quramyna engizip, eseptik derekterden shyǵarýǵa qaýly etti.
"Osy Aqmola oblysy ákimdiginiń qaýlysy men Aqmola oblystyq máslihatynyń sheshimi Aqmola oblysynyń Ádilet departamentinde memlekettik tirkelgen kúninen bastap kúshine enedi jáne resmi jariialanǵan kúninen bastap qoldanysqa engiziledi", - dep jazylǵan qaýlynyń jobasynda.
Qujat avtorlary jobany qabyldaý jaǵymsyz áleýmettik-ekonomikalyq jáne quqyqtyq saldarlarǵa ákep soqpaitynyn jáne qarjylyq shyǵyndardy qajet etpeitinin atap ótti.
Qujattyń tolyq mátinimen "Ashyq NQA" portalynda tanysýǵa bolady. Ol 15 mamyrǵa deiin talqylanady.
