Búgin Kókshetaýda úkimettik emes sektor men azamattyq qoǵamnyń qatysýymen QR Parlamenti men máslihatyna aldaǵy sailaýdy partiialyq emes baqylaýmen qamtamasyz etý máseleleri boiynsha dóńgelek ústel ótti, dep habarlaidy ishki saiasat basqarmasy.
"Qazaqstannyń Azamattyq Aliansy" ZTB Aqmola filialynyń basshysy Irina Terenteva quttyqtaý sózinde aldaǵy sailaýdaǵy azamattyq sektor baqylaýshylarynyń erekshe rólin atap ótti.
"Baqylaýshylar jumysyndaǵy eń bastysy - sailaýdy ótkizýdiń ashyqtyǵyn, adaldyǵy men zańdylyǵyn qamtamasyz etý", - dep atap ótti "Qazaqstannyń Azamattyq Aliansy" oblystyq filialynyń tóraǵasy.
Táýelsiz baqylaýshy zańǵa sáikes sailaýǵa deiin, kezinde jáne odan keiin ne istei alady? Olar sailaýdy qalai baqylaidy? Sapaly baqylaý degenimiz ne? Baiqaýshylar osy suraqtardyń barlyǵyna arnaiy onlain-seminarlarda jaýap aldy.
Aqmola oblysynyń baqylaýshylar shtabynyń jetekshisi Erlan Zakirianov shtabtyń qyzmeti, baiqaýshylardy oqytý jáne sailaý ótetin kúni olardyń jumysyn uiymdastyrý týraly habardar etti.
"Depýtattyq sailaý jańa formatta ótedi. Birinshi kezekte, 16 jylda alǵash ret bul kezekten tys sailaý emes, kezekti sailaý. Ekinshiden, pandemiia ómirdiń barlyq salalaryna, sonyń ishinde sailaý ótkizýge túzetýler engizdi. Úshinshiden, bul zańnamaǵa engizilgen túzetýler. Depýtattar alǵash ret partiialyq tizimder boiynsha ótedi, áielder men jastar úshin mindetti kvotalar, saiasi partiialar qurý úshin músheler sany boiynsha tirkeý talaby eki esege tómendetildi. Osy jańalyqtardyń barlyǵyn biz, baqylaýshylar retinde de bilýimiz kerek", - dep atap ótti Erlan Zakirianov.
Kásipodaq uiymdary ókilderiniń belsendi qatysýy týraly Aqmola oblysy aýmaqtyq kásipodaqtar birlestiginiń tóraǵasy Qali Rahmetov aityp berdi.
Aita keteiik, oblysta 9 myńnan astam túrli saladaǵy baqylaýshylar bar: qoǵamshyldar, kásipodaqtar, partiialar, biznes ókilderi, jastar. Mysaly, 200 baiqaýshy - kásipodaq ókilderi, 697 adam-Azamattyq Alians, 4 myńnan astam saiasi partiia ókilderi.
