Foto:kaz.inform.kz
Qańtar aiynyń basynda bolǵan jol kólik oqiǵasyna qatysty TJM málimdeme jasap, oqiǵanyń sebebin atady, dep habarlaidy Ult.kz.
Jýrnalister TJM Tótenshe jaǵdailardy joiý departamenti basshysynyń orynbasary Aslan Ýákishevke, “Aqmola oblysynda qańtar aiynyń basynda 95 kólik soqtyǵysqan jol apatyna kim kináli?”,- degen suraqty qoidy.
Aslan Ýákishevtiń aitýynsha, apattyń sebebin anyqtaý Tótenshe jaǵdailar ministrliginiń quzyretine kirmeidi.
"Túsinik bere almaimyn, tergeý júrip jatyr. Bizdiń quzyretimizge zardap shekkenderdi qutqarý jáne evakýatsiialaý kiredi", - dedi Ýákishev Ortalyq kommýnikatsiialar qyzmetinde ótken brifingte.
Odan bólek ol, borandy kúnderi Ishki ister ministrliginiń qyzmetkerleri kolonnany alyp júrgenin, alaida sol jerde bir-birin basyp ozýǵa tyrysqan jaýapsyz júrgizýshiler bolǵanyn jetkizdi.
TJM Tótenshe jaǵdailardy joiý departamenti basshysynyń orynbasary Aslan Ýákishev:
“Barlyǵy osydan týyndaǵan bolýy múmkin. Qazirgi ýaqytta tergeý jumystary áli jalǵasýda”, — dep otyr.
Odan bólek ol, oqiǵa kezinde ministrlik tiisti sharalardy atqarǵanyn atap ótti.
“Bizdiń bólimsheler úilesimdi jumys atqaryp, múmkindiginshe barlyq adamdy qutqaryp, evakýatsiialap, jylyný pýnktterine jetkizdi. Jolaýshylarǵa jylyný pýnktterinen Astanaǵa jáne basqa da baǵyttarǵa jetý qajet boldy, biz olardy poiyzdarǵa mingizdik”, — dedi Aslan Ýákishev.
Eske salaiyq, 3 qańtarda “Astana-Shýche” tas jolyndaǵy jappai kólik apatynda 95-ke jýyq avtokólik zardap shekken. Bul týraly «QazAvtoJol» UK» AQ jedel aqparatynda aitylǵan edi.
