Aqmola oblysynda qus tumaýynyń tirkelýine bailanysty kúsheitilgen rejimde aldyn alý sharalary júrgizilip jatyr, dep habarlaidy "Ult aqparat" oblystyq ishki saiasat basqarmasyna silteme jasap.
Oblystyq veterinariia basqarmasynyń málimetinshe, qyrkúiektiń 24- nen bastap oblystyń eldi-mekenderinde vaktsina salý jumystary qolǵa alynǵan. Búgingi tańda 173,9 myń úi qusyna ekpe salyndy. Ózimizdegi bar vaktsina esebinen iri qus fabrikalaryndaǵy 1462 myń qusqa ekpe salyndy. Bulardyń qatarynda «Kapital Projekt» JShS, «Astana Qus» JShS, «Ijevsk» ÓK, «Býrabai Agro Invest» JShS bar. Birer kúnde taǵy eki qus fabrikasyna vaktsina jetkiziletini kútilýde.
Basqarma basshysy Bazarbai Bulashevtiń aitýynsha, indetke monitoring boiynsha sharalar kúndelikti baqylaýda.
«Qus tumaýynyń taralýyna jol bermeý maqsatynda úi qustarynyń jabai qustarmen bailanysyn boldyrmaý úshin óńir turǵyndary men qus sharýashylyqtarynyń basshylaryna túsindirý jumystary júrgizilýde. Veterinarlyq qyzmetkerler kún saiyn qus sharýashylyǵy fermalaryna baryp, qustardy tekserýde. Sonymen birge, jabaiy qustar jinalatyn sý qoimalarynda baqylaý júrgizilýde», - deidi B.Bulashev.
Zertteý nátijesine sensek, oblystyń 9 aýdanyndaǵy 11 eldi mekende qus tumaýy anyqtalǵan.
