اقمولا وبلىسىندا قۇس تۇماۋىنىڭ تٸركەلۋٸنە بايلانىستى كٷشەيتٸلگەن رەجيمدە الدىن الۋ شارالارى جٷرگٸزٸلٸپ جاتىر, دەپ حابارلايدى "ۇلت اقپارات" وبلىستىق ٸشكٸ ساياسات باسقارماسىنا سٸلتەمە جاساپ.
وبلىستىق ۆەتەرينارييا باسقارماسىنىڭ مەلٸمەتٸنشە, قىركٷيەكتٸڭ 24- نەن باستاپ وبلىستىڭ ەلدٸ-مەكەندەرٸندە ۆاكتسينا سالۋ جۇمىستارى قولعا الىنعان. بٷگٸنگٸ تاڭدا 173,9 مىڭ ٷي قۇسىنا ەكپە سالىندى. ٶزٸمٸزدەگٸ بار ۆاكتسينا ەسەبٸنەن ٸرٸ قۇس فابريكالارىنداعى 1462 مىڭ قۇسقا ەكپە سالىندى. بۇلاردىڭ قاتارىندا «كاپيتال پروجەكت» جشس, «استانا قۇس» جشس, «يجەۆسك» ٶك, «بۋراباي اگرو ينۆەست» جشس بار. بٸرەر كٷندە تاعى ەكٸ قۇس فابريكاسىنا ۆاكتسينا جەتكٸزٸلەتٸنٸ كٷتٸلۋدە.
باسقارما باسشىسى بازارباي بۇلاشەۆتٸڭ ايتۋىنشا, ٸندەتكە مونيتورينگ بويىنشا شارالار كٷندەلٸكتٸ باقىلاۋدا.
«قۇس تۇماۋىنىڭ تارالۋىنا جول بەرمەۋ ماقساتىندا ٷي قۇستارىنىڭ جاباي قۇستارمەن بايلانىسىن بولدىرماۋ ٷشٸن ٶڭٸر تۇرعىندارى مەن قۇس شارۋاشىلىقتارىنىڭ باسشىلارىنا تٷسٸندٸرۋ جۇمىستارى جٷرگٸزٸلۋدە. ۆەتەرينارلىق قىزمەتكەرلەر كٷن سايىن قۇس شارۋاشىلىعى فەرمالارىنا بارىپ, قۇستاردى تەكسەرۋدە. سونىمەن بٸرگە, جابايى قۇستار جينالاتىن سۋ قويمالارىندا باقىلاۋ جٷرگٸزٸلۋدە», - دەيدٸ ب.بۇلاشەۆ.
زەرتتەۋ نەتيجەسٸنە سەنسەك, وبلىستىڭ 9 اۋدانىنداعى 11 ەلدٸ مەكەندە قۇس تۇماۋى انىقتالعان.
