Foto: ashyq derekkóz
Aqmola oblysynda joǵalǵan 17 jastaǵy jasóspirim Bestóbe shahtasynan tabyldy, dep habarlaidy "Ult aqparat".
Aqmola oblysy PD baspasóz qyzmetiniń málimetinshe, 16 qyrkúiekte Stepnogor qalalyq politsiia basqarmasyna 17 jastaǵy jasóspirimniń joǵalǵandyǵy týraly habar túsken.
11-synyp oqýshysynyń sabaqty sebepsiz bosatqanyna muǵalimder dabyl qaqqan.
"Oqýshy 13 qyrkúiekten beri mektepke barmaǵan. Jedel izdestirý sharasy barysynda joǵalǵan jasóspirimniń ata-anasy, jaqyn týystary men tanystary, dostary anyqtalyp, surastyryldy. Nátijesinde jasóspirimniń Bestóbe kenti aýmaǵyndaǵy shahtaǵa túskeni anyqtaldy. Bala shahtadan shyǵarylyp, týystaryna aman-esen tapsyryldy", — dedi vedomstvodan.
Balanyń sózinshe, ol shahtaǵa altyn izdeýge túsken.
"Politsiia jasóspirimniń ata-anasyna qatysty kámeletke tolmaǵandy tárbieleý, onyń quqyqtary men múddelerin qorǵaý jónindegi mindetterdi, sondai-aq onyń qaýipsizdigin qamtamasyz etý jónindegi sharalardy oryndamaǵany úshin ákimshilik hattama toltyrdy. Sonymen qatar, kámeletke tolmaǵan balanyń ózi qorǵalatyn obektige zańsyz kirgeni úshin ákimshilik jaýapqa tartyldy", — dedi vedomstvodan.
Osy rette, tártip saqshylary ata-analardy balalarynyń ornalasqan jerin baqylaýdy jáne qaýipsizdik máselesin jiti nazarda ustaý qajettigin eske salady.
