فوتو: اشىق دەرەككٶز
اقمولا وبلىسىندا جوعالعان 17 جاستاعى جاسٶسپٸرٸم بەستٶبە شاحتاسىنان تابىلدى, دەپ حابارلايدى "ۇلت اقپارات".
اقمولا وبلىسى پد باسپاسٶز قىزمەتٸنٸڭ مەلٸمەتٸنشە, 16 قىركٷيەكتە ستەپنوگور قالالىق پوليتسييا باسقارماسىنا 17 جاستاعى جاسٶسپٸرٸمنٸڭ جوعالعاندىعى تۋرالى حابار تٷسكەن.
11-سىنىپ وقۋشىسىنىڭ ساباقتى سەبەپسٸز بوساتقانىنا مۇعالٸمدەر دابىل قاققان.
"وقۋشى 13 قىركٷيەكتەن بەرٸ مەكتەپكە بارماعان. جەدەل ٸزدەستٸرۋ شاراسى بارىسىندا جوعالعان جاسٶسپٸرٸمنٸڭ اتا-اناسى, جاقىن تۋىستارى مەن تانىستارى, دوستارى انىقتالىپ, سۇراستىرىلدى. نەتيجەسٸندە جاسٶسپٸرٸمنٸڭ بەستٶبە كەنتٸ اۋماعىنداعى شاحتاعا تٷسكەنٸ انىقتالدى. بالا شاحتادان شىعارىلىپ, تۋىستارىنا امان-ەسەن تاپسىرىلدى", — دەدٸ ۆەدومستۆودان.
بالانىڭ سٶزٸنشە, ول شاحتاعا التىن ٸزدەۋگە تٷسكەن.
"پوليتسييا جاسٶسپٸرٸمنٸڭ اتا-اناسىنا قاتىستى كەمەلەتكە تولماعاندى تەربيەلەۋ, ونىڭ قۇقىقتارى مەن مٷددەلەرٸن قورعاۋ جٶنٸندەگٸ مٸندەتتەردٸ, سونداي-اق ونىڭ قاۋٸپسٸزدٸگٸن قامتاماسىز ەتۋ جٶنٸندەگٸ شارالاردى ورىنداماعانى ٷشٸن ەكٸمشٸلٸك حاتتاما تولتىردى. سونىمەن قاتار, كەمەلەتكە تولماعان بالانىڭ ٶزٸ قورعالاتىن وبەكتٸگە زاڭسىز كٸرگەنٸ ٷشٸن ەكٸمشٸلٸك جاۋاپقا تارتىلدى", — دەدٸ ۆەدومستۆودان.
وسى رەتتە, تەرتٸپ ساقشىلارى اتا-انالاردى بالالارىنىڭ ورنالاسقان جەرٸن باقىلاۋدى جەنە قاۋٸپسٸزدٸك مەسەلەسٸن جٸتٸ نازاردا ۇستاۋ قاجەتتٸگٸن ەسكە سالادى.
