Aqmola oblysynyń Ereimentaý stantsiiasynda 10 jastaǵy mektep oqýshysy poiyz astyna túsip, kóz jumdy, dep habarlaidy "Ult aqparat".
Ereimentaý aýdany ákiminiń orynbasary Battal Ybraevtiń aitýynsha, qaiǵyly oqiǵa demalys kúni, 10 mamyrda bolǵan. Temirjol bala turatyn úige jaqyn ornalasqan.
«Oqiǵaǵa bailanysty tergeý sharalary júrgizilip jatyr. 4-synyp oqýshysy temirjoldyń ruqsat etilmegen jerinen ótpek bolǵan. Ol jerde belgilengen temirjol ótpesi joq. Odan ári kópir bar, avtobýstar júredi. Bala, ókinishke orai, osy ýaqytta eresekterdiń qadaǵalaýynsyz bolǵan», - dep túsindirdi B.Ybraev.
Sonymen qatar, Kóliktegi politsiia departamentiniń baspasóz qyzmetinen málim etkendei, atalǵan fakti QR QK-niń 344-baby 2-bóligimen Nur-Sultan stantsiiasyndaǵy jelilik politsiia basqarmasynyń sotqa deiingi tergeýdiń biryńǵai tizilimine tirkeldi.
«Tergeý júrgizilýde. Ózge aqparat QR Qylmystyq is júrgizý kodeksiniń 201-babynyń talaptaryna sáikes jariia etilmeidi», - dep tolyqtyrdy vedomstvodan.
