Prezident ákimshiliginiń basqarma basshysynyń orynbasary Málik Myrzalin Aqmola oblysynyń ákimi bolyp taǵaiyndaldy, dep habarlaidy "Ult aqparat" Aqordanyń tvitterdegi paraqshasyna silteme jasap.
Buǵan deiin bul qyzmetti Sergei Kýlagin atqarǵan bolatyn.
Málik Myrzalin 1971 jylǵy 31 qazanda Aqtóbe qalasynda týǵan. 1996 jyly Resei Federatsiiasy Syrtqy ister ministrliginiń Máskeý Memlekettik halyqaralyq qatynastar institýtyn bitirgen. 2006 jyly Iel ýniversitetiniń menedjment mektebinde (AQSh) biliktiligin arttyrýdan ótken. Saiasi ǵylymdarynyń kandidaty (2010 j.).
1996 — 2004 jyldary — Qazaqstan Respýblikasynyń Resei Federatsiiasyndaǵy Elshiliginiń referenti, attashesi, úshinshi, ekinshi, birinshi hatshysy, 2004 — 2006 jyldary — Soltústik Qazaqstan oblysy ákiminiń apparat basshysy, 2006 — 2007 jyldary — Soltústik Qazaqstan oblysy ákiminiń orynbasary, 2007 — 2008 jyldary Soltústik Qazaqstan oblysy ákiminiń birinshi orynbasary, 2008 — 2009 jyldary — «Nur Otan» halyqtyq-demokratiialyq partiiasy ortalyq apparaty basshysynyń orynbasary, 2010 — 2011 jyldary — Qazaqstan Respýblikasy Prezidenti Is Basqarmasynyń apparat basshysy, 2011 — 2013 jyldary — Qazaqstan Respýblikasy Din isteri agenttiginiń jaýapty hatshysy, 2013 – 2016 jyldary — Qazaqstan Respýblikasy Prezidenti Is Basqarýshysynyń orynbasary, 2016 jyldyń jeltoqsan aiynan bastap Qazaqstan Respýblikasy Prezidenti Is Basqarýshysynyń birinshi orynbasary qyzmetterin atqarǵan.
«Qurmet» ordenimen (2014 j.), «Eren eńbegi úshin» medalimen (2005 j.) marapattalǵan.
