پرەزيدەنت ەكٸمشٸلٸگٸنٸڭ باسقارما باسشىسىنىڭ ورىنباسارى مەلٸك مىرزالين اقمولا وبلىسىنىڭ ەكٸمٸ بولىپ تاعايىندالدى, دەپ حابارلايدى "ۇلت اقپارات" اقوردانىڭ تۆيتتەردەگٸ پاراقشاسىنا سٸلتەمە جاساپ.
بۇعان دەيٸن بۇل قىزمەتتٸ سەرگەي كۋلاگين اتقارعان بولاتىن.
مەلٸك مىرزالين 1971 جىلعى 31 قازاندا اقتٶبە قالاسىندا تۋعان. 1996 جىلى رەسەي فەدەراتسيياسى سىرتقى ٸستەر مينيسترلٸگٸنٸڭ مەسكەۋ مەملەكەتتٸك حالىقارالىق قاتىناستار ينستيتۋتىن بٸتٸرگەن. 2006 جىلى يەل ۋنيۆەرسيتەتٸنٸڭ مەنەدجمەنت مەكتەبٸندە (اقش) بٸلٸكتٸلٸگٸن ارتتىرۋدان ٶتكەن. ساياسي عىلىمدارىنىڭ كانديداتى (2010 ج.).
1996 — 2004 جىلدارى — قازاقستان رەسپۋبليكاسىنىڭ رەسەي فەدەراتسيياسىنداعى ەلشٸلٸگٸنٸڭ رەفەرەنتٸ, اتتاشەسٸ, ٷشٸنشٸ, ەكٸنشٸ, بٸرٸنشٸ حاتشىسى, 2004 — 2006 جىلدارى — سولتٷستٸك قازاقستان وبلىسى ەكٸمٸنٸڭ اپپارات باسشىسى, 2006 — 2007 جىلدارى — سولتٷستٸك قازاقستان وبلىسى ەكٸمٸنٸڭ ورىنباسارى, 2007 — 2008 جىلدارى سولتٷستٸك قازاقستان وبلىسى ەكٸمٸنٸڭ بٸرٸنشٸ ورىنباسارى, 2008 — 2009 جىلدارى — «نۇر وتان» حالىقتىق-دەموكراتييالىق پارتيياسى ورتالىق اپپاراتى باسشىسىنىڭ ورىنباسارى, 2010 — 2011 جىلدارى — قازاقستان رەسپۋبليكاسى پرەزيدەنتٸ ٸس باسقارماسىنىڭ اپپارات باسشىسى, 2011 — 2013 جىلدارى — قازاقستان رەسپۋبليكاسى دٸن ٸستەرٸ اگەنتتٸگٸنٸڭ جاۋاپتى حاتشىسى, 2013 – 2016 جىلدارى — قازاقستان رەسپۋبليكاسى پرەزيدەنتٸ ٸس باسقارۋشىسىنىڭ ورىنباسارى, 2016 جىلدىڭ جەلتوقسان ايىنان باستاپ قازاقستان رەسپۋبليكاسى پرەزيدەنتٸ ٸس باسقارۋشىسىنىڭ بٸرٸنشٸ ورىنباسارى قىزمەتتەرٸن اتقارعان.
«قۇرمەت» وردەنٸمەن (2014 ج.), «ەرەن ەڭبەگٸ ٷشٸن» مەدالٸمەن (2005 ج.) ماراپاتتالعان.
