2021 jylǵy 1 shildeden bastap Qazaqstanda Ákimshilik rásimdik-protsestik kodeks kúshine enedi. Osy zańnama aiasynda engizilip otyrǵan jańashyldyqtardy QR Joǵarǵy Sotynyń baspasóz hatshysy Aidos Sadýaqasov aityp berdi, dep habarlaidy QazAqparat.
«Elimiz naryqtyq qatynastarǵa kóshkennen keiin, qoǵamnyń túrli salalarynda týyndaǵan daýlardyń keibirinde azamattar memlekettik organdarmen, laýazym ieleriniń sheshimderimen kelispei jatady. Ókinishke qarai, kóp jaǵdaida jeke adamdardyń múddesi, quqyǵy sotta joǵary deńgeide qorǵala bermeidi. Onyń sebebine toqtalsaq, quqyqtyq daýlardyń kóbisi azamattyq-protsestik kodekstiń aiasynda qaralady. Iaǵni, azamattyq-protsestik zańnamaǵa sáikes, taraptar teń. Taraptar teń degen túsinik boiynsha memlekettik organ, onyń quqyqtyq apparaty zańgerler korpýsymen jeke adamdardyń múmkindigin salystyrý qiyn. Osy jerde teńsizdik týyndaidy, - dedi A. Sadýaqasov Ortalyq kommýnikatsiialar qyzmetinde.
Osy oraida ol atalǵan teńsizdikti joiý úshin elimizde Ákimshilik ádilet týraly zań qabyldanǵanyn, bul qujat 2021 jylǵy 1 shildeden bastap kúshine enetinin eske saldy.
«Nelikten bir jyl ýaqyt berildi? Sebebi sottarymyz osyǵan daiyndalýy kerek, sondai-aq memlekettik organdar men laýazymdy tulǵalar osy zańnyń jańa baptary men jańashyldyqtaryn meńgerýi tiis», - dedi baspasóz hatshysy.
«Osy zańǵa sáikes, sizdiń jer ýchaskeńizge, tólemaqylar, berilýge tiis litsenziialarǵa qatysty máseleler boiynsha ýákiletti organmen nemese laýazymdy tulǵamen arada daýlar bolǵan kezde, bul ister azamattyq sottarda qaralady. Iaǵni, azamattyq sottarda azamattyq-protsestik zań normasy aiasynda qaralady. Bul turǵyda sýdianyń qoly bailaýly. Osy máselede sýdia jeke nemese zańdy tulǵaǵa kómektese almaidy. Onyń bergen talap-aryzynyń qateligin kórip tursa da, oǵan jaqtasýǵa, kómektesýge quqyǵy joq. Endi qoldanysqa engiziletin zańǵa sáikes, sýdianyń belsendi róli bolady. Sýdia azamattyń talap-aryzyn durystaýǵa, oǵan quqyqtyq jaǵynan qoldaý kórsetýge múmkindik beredi. Atap aitqanda, bul zań jeke adam men zańdy tulǵanyń memlekettik organǵa nemese laýazymdy tulǵalarǵa qarsy óziniń quqyǵyn durys qoldanýyna zor múmkindikter jasaidy», - dedi Aidos Sadýaqasov.
