Til saiasaty komiteti men Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy Qazaqstan halqy tilderi kúni merekesine orai ult ustazy Ahmet Baitursynulyna arnalǵan «Taǵzym men taǵylym» onlain otyrysyn ótkizdi, dep habarlaidy "Ult aqparat".
Memleket basshysy Qasym-Jomart Toqaev Qazaqstan halqyna arnaǵan «Jańa jaǵdaidaǵy Qazaqstan: is-qimyl kezeńi» atty Joldaýynda:«Qazaq qoǵamynda jańa qaǵidattar jáne jańa baǵdarlar saltanat qurýǵa tiis. Ult ustazy Ahmet Baitursynuly: «Bilimdi bolýǵa oqý kerek. Bai bolýǵa kásip kerek. Kúshti bolýǵa birlik kerek. Osy kerekterdiń jolynda jumys isteý kerek» deidi. Bul kózqaras búgingi kúni óte mańyzdy»,– dep atap kórsetken bolatyn.
Sharada quttyqtaý sóz alǵan Qazaqstan Respýblikasy Mádeniet jáne sport vitse-ministri Nurǵisa Dáýeshov eki jyldan keiin týǵanyna 150 jyl tolǵaly otyrǵan uly tulǵanyń esimin máńgi este qaldyrý baǵytyndaǵy sharalar josparyna toqtalyp, onlain otyrysqa qatysýshylardy merekemen quttyqtady.
Shara moderatory Til saiasaty komiteti tóraǵasynyń orynbasary Ádilbek Kúneshanuly Qabanyń aitýynsha, Orfografikalyq jumys toby on otyrysyn ótkizgen eken, bul óz kezeginde úlken talqylaýlarǵa ulasyp otyrǵan. Onomastikalyq komissiianyń úsh otyrysynda elimiz boiynsha bes júz ataý ózgertilgen, iaǵni, saiasattyń salqyny tigen kóptegen kóne ataýlar qalpyna keltirilip, qazaq tarihy men mádenietine qatysty tulǵalardyń esimi berilgen. Sondai-aq, Qazaqstan Respýblikasy Úkimeti janyndaǵy Respýblikalyq terminologiialyq komissiiasynyń eki otyrysy ótip, ár qaisysynda bes júzden astam termin maquldanǵan. Bul degenińiz myńnan astam jańa termin qoldanysqa enip, tilimiz sonshalyqty sózben baiydy degen sóz.
Osyndai qajyrly qairatkerligi men eseli eńbekteri úshin Qazaqstan Respýblikasy Úkimeti janyndaǵy Respýblikalyq terminologiialyq, onomastikalyq komissiiasy músheleri, Qazaq tili álipbiin latyn grafikasyna kóshirý jónindegi Ulttyq komissiia janyndaǵy Orfografiialyq, Ádistemelik, Terminologiialyq, Tehnikalyq súiemeldeý jónindegi jumys toptarynyń músheleri, oblystyq tilderdi oqytý ortalyqtarynyń basshylary Qazaqstan Respýblikasy Mádeniet jáne sport ministriniń alǵyshatyna, Til saiasaty komiteti tóraǵasynyń Qurmet gramotasyna ie boldy.
«Úsh jyl boldy, Tilder merekesi qazaq ǵylymynyń atasy, ult ustazy Ahmet Baitursynulynyń týǵan kúnine turaqtady. Bul óte mańyzdy. Tarih arenasyna shyqqan kez kelgen halyq óz Táýelsizdigi úshin kúresedi. Qazaq tarihy da osyndai azattyq arpalysyna tunyp tur. Resei imperiiasy men qazaq halqynyń kúshi teń emes edi. Jaratqan iemiz sol almaǵaiyp kezeńde halqymyzdyń kóz jasyna uly Abaidy ómirge ákeldi. Odan keiin halqyna qalqan, jaýyna semser bolar Alash azamattarynyń shoǵyry qazaq kógine shyqty. Solardyń ishinde Ahmet Baitursynulyn erekshe ataimyz», - dedi Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń atqarýshy direktory Erbol Tileshov.
Budan keiin Ahmet Baitursynuly atyndaǵy Til bilimi institýtynyń direktory Anar Fazyljanova, Ahmet Baitursynuly mýzei-úiiniń direktory Raihan Imahanbet, Torǵaidaǵy murajailar kesheniniń basshysy Gúlbaný Sársekeiler Ahmet Baitursynuly týraly oilaryn ortaǵa salyp, quttyqtaý joldady.
Sharany vitse-ministr N.Dáýeshev qorytyndylady.
