تٸل ساياساتى كوميتەتٸ مەن شايسۇلتان شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعى قازاقستان حالقى تٸلدەرٸ كٷنٸ مەرەكەسٸنە وراي ۇلت ۇستازى احمەت بايتۇرسىنۇلىنا ارنالعان «تاعزىم مەن تاعىلىم» ونلاين وتىرىسىن ٶتكٸزدٸ, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ قازاقستان حالقىنا ارناعان «جاڭا جاعدايداعى قازاقستان: ٸس-قيمىل كەزەڭٸ» اتتى جولداۋىندا:«قازاق قوعامىندا جاڭا قاعيداتتار جەنە جاڭا باعدارلار سالتانات قۇرۋعا تيٸس. ۇلت ۇستازى احمەت بايتۇرسىنۇلى: «بٸلٸمدٸ بولۋعا وقۋ كەرەك. باي بولۋعا كەسٸپ كەرەك. كٷشتٸ بولۋعا بٸرلٸك كەرەك. وسى كەرەكتەردٸڭ جولىندا جۇمىس ٸستەۋ كەرەك» دەيدٸ. بۇل كٶزقاراس بٷگٸنگٸ كٷنٸ ٶتە ماڭىزدى»,– دەپ اتاپ كٶرسەتكەن بولاتىن.
شارادا قۇتتىقتاۋ سٶز العان قازاقستان رەسپۋبليكاسى مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ ەكٸ جىلدان كەيٸن تۋعانىنا 150 جىل تولعالى وتىرعان ۇلى تۇلعانىڭ ەسٸمٸن مەڭگٸ ەستە قالدىرۋ باعىتىنداعى شارالار جوسپارىنا توقتالىپ, ونلاين وتىرىسقا قاتىسۋشىلاردى مەرەكەمەن قۇتتىقتادى.
شارا مودەراتورى تٸل ساياساتى كوميتەتٸ تٶراعاسىنىڭ ورىنباسارى ەدٸلبەك كٷنەسحانۇلى قابانىڭ ايتۋىنشا, ورفوگرافيكالىق جۇمىس توبى ون وتىرىسىن ٶتكٸزگەن ەكەن, بۇل ٶز كەزەگٸندە ٷلكەن تالقىلاۋلارعا ۇلاسىپ وتىرعان. ونوماستيكالىق كوميسسييانىڭ ٷش وتىرىسىندا ەلٸمٸز بويىنشا بەس جٷز اتاۋ ٶزگەرتٸلگەن, ياعني, ساياساتتىڭ سالقىنى تيگەن كٶپتەگەن كٶنە اتاۋلار قالپىنا كەلتٸرٸلٸپ, قازاق تاريحى مەن مەدەنيەتٸنە قاتىستى تۇلعالاردىڭ ەسٸمٸ بەرٸلگەن. سونداي-اق, قازاقستان رەسپۋبليكاسى ٷكٸمەتٸ جانىنداعى رەسپۋبليكالىق تەرمينولوگييالىق كوميسسيياسىنىڭ ەكٸ وتىرىسى ٶتٸپ, ەر قايسىسىندا بەس جٷزدەن استام تەرمين ماقۇلدانعان. بۇل دەگەنٸڭٸز مىڭنان استام جاڭا تەرمين قولدانىسقا ەنٸپ, تٸلٸمٸز سونشالىقتى سٶزبەن بايىدى دەگەن سٶز.
وسىنداي قاجىرلى قايراتكەرلٸگٸ مەن ەسەلٸ ەڭبەكتەرٸ ٷشٸن قازاقستان رەسپۋبليكاسى ٷكٸمەتٸ جانىنداعى رەسپۋبليكالىق تەرمينولوگييالىق, ونوماستيكالىق كوميسسيياسى مٷشەلەرٸ, قازاق تٸلٸ ەلٸپبيٸن لاتىن گرافيكاسىنا كٶشٸرۋ جٶنٸندەگٸ ۇلتتىق كوميسسييا جانىنداعى ورفوگرافييالىق, ەدٸستەمەلٸك, تەرمينولوگييالىق, تەحنيكالىق سٷيەمەلدەۋ جٶنٸندەگٸ جۇمىس توپتارىنىڭ مٷشەلەرٸ, وبلىستىق تٸلدەردٸ وقىتۋ ورتالىقتارىنىڭ باسشىلارى قازاقستان رەسپۋبليكاسى مەدەنيەت جەنە سپورت مينيسترٸنٸڭ العىسحاتىنا, تٸل ساياساتى كوميتەتٸ تٶراعاسىنىڭ قۇرمەت گراموتاسىنا يە بولدى.
«ٷش جىل بولدى, تٸلدەر مەرەكەسٸ قازاق عىلىمىنىڭ اتاسى, ۇلت ۇستازى احمەت بايتۇرسىنۇلىنىڭ تۋعان كٷنٸنە تۇراقتادى. بۇل ٶتە ماڭىزدى. تاريح ارەناسىنا شىققان كەز كەلگەن حالىق ٶز تەۋەلسٸزدٸگٸ ٷشٸن كٷرەسەدٸ. قازاق تاريحى دا وسىنداي ازاتتىق ارپالىسىنا تۇنىپ تۇر. رەسەي يمپەريياسى مەن قازاق حالقىنىڭ كٷشٸ تەڭ ەمەس ەدٸ. جاراتقان يەمٸز سول الماعايىپ كەزەڭدە حالقىمىزدىڭ كٶز جاسىنا ۇلى ابايدى ٶمٸرگە ەكەلدٸ. ودان كەيٸن حالقىنا قالقان, جاۋىنا سەمسەر بولار الاش ازاماتتارىنىڭ شوعىرى قازاق كٶگٸنە شىقتى. سولاردىڭ ٸشٸندە احمەت بايتۇرسىنۇلىن ەرەكشە اتايمىز», - دەدٸ ش.شاياحمەتوۆ اتىنداعى «تٸل-قازىنا» ۇلتتىق عىلىمي-پراكتيكالىق ورتالىعىنىڭ اتقارۋشى ديرەكتورى ەربول تٸلەشوۆ.
بۇدان كەيٸن احمەت بايتۇرسىنۇلى اتىنداعى تٸل بٸلٸمٸ ينستيتۋتىنىڭ ديرەكتورى انار فازىلجانوۆا, احمەت بايتۇرسىنۇلى مۋزەي-ٷيٸنٸڭ ديرەكتورى رايحان يماحانبەت, تورعايداعى مۇراجايلار كەشەنٸنٸڭ باسشىسى گٷلبانۋ سەرسەكەيلەر احمەت بايتۇرسىنۇلى تۋرالى ويلارىن ورتاعا سالىپ, قۇتتىقتاۋ جولدادى.
شارانى ۆيتسە-مينيستر ن.دەۋەشەۆ قورىتىندىلادى.
