Aqtóbede janjal kezinde ákesin uryp óltirgen turǵyn 8 jylǵa bas bostandyǵynan aiyryldy, dep habarlaidy QazAqparat.
Aqtóbe qalasynyń №2 sotynda A.Esenǵazinge sot úkimi shyqty.
44 jastaǵy aqtóbelikke Qylmystyq kodekstiń «Densaýlyqqa qasaqana aýyr ziian keltirý» baby boiynsha aiyp taǵyldy.
Is materialyna súiensek, sottalýshy biyl tamyz aiynda úiine mas kúiinde barady. Páterge kirgen boida ákesimen sózge kelip qalady.
Ol kezde ákesi de ishimdik ishken bolyp shyqty. Balaǵat sózderden soń sottalýshy ákesin basynan, denesinen judyryǵymen urǵan.
Janyna apasy kelip, toqtatýyn suraǵymen, oǵan qulaq aspaǵan. Sol sátte ákesi qulap, kóp qan joǵaltqan.
Er adam oqiǵa ornynda kóz jumady. Al politsiia qyzmetkerlerin apasy shaqyrǵan.
Sottalýshy A.Esenǵazin sotta óz kinásin tolyq moiyndady. Sot A.Esenǵazindi kináli dep tanyp, oǵan 8 jyl bas bostandyǵynan aiyrý jazasyn kesti.
Úkim zańdy kúshine engen joq.
