اقتٶبەدە جانجال كەزٸندە ەكەسٸن ۇرىپ ٶلتٸرگەن تۇرعىن 8 جىلعا باس بوستاندىعىنان ايىرىلدى, دەپ حابارلايدى قازاقپارات.
اقتٶبە قالاسىنىڭ №2 سوتىندا ا.ەسەنعازينگە سوت ٷكٸمٸ شىقتى.
44 جاستاعى اقتٶبەلٸككە قىلمىستىق كودەكستٸڭ «دەنساۋلىققا قاساقانا اۋىر زييان كەلتٸرۋ» بابى بويىنشا ايىپ تاعىلدى.
ٸس ماتەريالىنا سٷيەنسەك, سوتتالۋشى بيىل تامىز ايىندا ٷيٸنە ماس كٷيٸندە بارادى. پەتەرگە كٸرگەن بويدا ەكەسٸمەن سٶزگە كەلٸپ قالادى.
ول كەزدە ەكەسٸ دە ٸشٸمدٸك ٸشكەن بولىپ شىقتى. بالاعات سٶزدەردەن سوڭ سوتتالۋشى ەكەسٸن باسىنان, دەنەسٸنەن جۇدىرىعىمەن ۇرعان.
جانىنا اپاسى كەلٸپ, توقتاتۋىن سۇراعىمەن, وعان قۇلاق اسپاعان. سول سەتتە ەكەسٸ قۇلاپ, كٶپ قان جوعالتقان.
ەر ادام وقيعا ورنىندا كٶز جۇمادى. ال پوليتسييا قىزمەتكەرلەرٸن اپاسى شاقىرعان.
سوتتالۋشى ا.ەسەنعازين سوتتا ٶز كٸنەسٸن تولىق مويىندادى. سوت ا.ەسەنعازيندٸ كٸنەلٸ دەپ تانىپ, وعان 8 جىل باس بوستاندىعىنان ايىرۋ جازاسىن كەستٸ.
ٷكٸم زاڭدى كٷشٸنە ەنگەن جوق.
