Qyzylordadaǵy Aqai men Tóretam eldimekenderiniń turǵyndary Baiqońyr qalasy emhanasyna tirkeldi.
Osy ýaqytqa deiin atalmysh eldimekenderdiń turǵyndary 90 shaqyrym qashyqtyqtaǵy Qarmaqshy aýdanynyń meditsinalyq qyzmetterin paidalanýǵa májbúr edi.
Tegin meditsinalyq kómektiń kepildik berilgen kólemi aiasynda turǵyndarǵa tegin meditsinalyq kómek kórsetý maqsatynda 2018 jyldyń 1 qańtarynan bastap oblystyq meditsina ortalyǵynyń Baiqońyrdaǵy filialynda Qazaqstan azamattary úshin emhana jumys istei bastady.
Esterińizge sala keteiik, 15 qyrkúiekten bastap respýblika boiynsha turǵyndardy emhanalarǵa tirkeý jumystary júrgizilýde. Baiqońyr qalasynda ashylǵan emhana bul naýqanǵa alǵash ret qatysyp otyr.
Meditsinalyq ortalyq qajetti mamandarmen tolyǵymen qamtamasyz etilgen. Oblystyq densaýlyq saqtaý basqarmasynyń málimetine sáikes, qazir QR azamattary, onyń ishinde zeinetkerler, 18 jasqa deiingi balalar jáne Baiqońyr qalasynda turatyn jumyssyz azamattar oblystyq meditsinalyq ortalyq filialynyń qyzmetin paidalana alady.
Qazirgi tańda, vaktsinatsiia jasaý, ambýlatoriialyq deńgeidegi tegin dári-dármektermen qamtý, dispanserlik naýqastardy dinamikalyq baqylaý, aldyn-ala tekserýden ótkizý atap aitsaq, áskerge shaqyrý aldyndaǵy jáne jasqa tolǵanǵa deiingi balalardy meditsinalyq tekserýden ótkizý siiaqty birqatar problemalyq máselelerdi sheshý úshin jumys toby quryldy.
