Qazaqstannyń «Aq jol» demokratiialyq partiiasynyń sailaýaldy sezi Nur-Sultanda 20 qarashada ótedi. Mundai sheshim búgin «Aq jol» filialdarynyń tóraǵalarynyń qatysýymen ótken partiianyń Ortalyq plenýmynda qabyldandy. Búgingi otyrysty onlain rejimde partiia tóraǵasy Azat Perýashev ótkizdi, dep habarlaidy "Ult aqparat".
«Sezdi ótkizý tártibi men ornyna qatysty «Aq jol» partiiasynyń ortalyq apparatyna usynystardy ázirleýdi tapsyramyz. Aldaǵy sezdiń formaty koronavirýspen qatysty sanitarlyq-epidemiologiialyq jaǵdaiǵa bailanysty bolady. Filialdarǵa sailaýaldy baǵdarlamanyń jobalary taratylady. Óz usynystaryńyz ben eskertýlerińizdi joldaýdy ótinemiz», - dedi Azat Perýashev.
Ortalyq keńes sonymen qatar sezdiń úsh máseleden turatyn kún tártibiniń jobasyn bekitti. Olar: partiianyń aldaǵy máslihattar men Parlament Májilisiniń sailaýyna qatysýy, partiialyq tizimdi bekitý jáne partiianyń sailaýaldy baǵdarlamasynyń jobasy.
«Partiia basshylyǵy 24/7 rejimindegi «non-stop» jumys tártibine kóshti. Sondyqtan bárińizge bailanysta bolyp, qazirgi jáne uiymdastyrýshylyq máselelerdi jedel sheshýdi júkteimin», - dedi partiialastaryna Azat Perýashev.
