Qazaqstan «Aq jol» demokratiialyq partiiasy Prezidenttiń búgingi sailaý týraly Jarlyǵyna qatysty málimdeme taratty. "Ult aqparat" málimdemeniń tolyq mátinin jariialaidy.
***
2020 jylǵy 21 qazanda Qazaqstan Respýblikasynyń Prezidenti Q.K Toqaev máslihattar men Májilis depýtattarynyń sailaýyn taǵaiyndaý týraly Jarlyqqa qol qoiǵany belgili.
«Aq jol» demokratiialyq partiiasy bul sheshimdi quptaidy jáne qoldaidy.
«Aq jol» QDP máslihattar men Májilis depýtattaryn sailaý konstitýtsiialyq merzimde ótetinin, saiasi partiialardan kandidattardyń partiialyq tizimderi boiynsha «Qazaqstan Respýblikasyndaǵy sailaý týraly» Qazaqstan Respýblikasynyń Zańyna engizilgen jańa túzetýlerge sáikes tizimderge áielder men jastardy engizý jónindegi kvotanyń 30% - yn saqtai otyryp qalyptastyrylatynyn atap ótedi.
Máslihattar men Parlament Májilisine sailaýdy bir mezgilde ótkizý memlekettiń uiymdastyrýshylyq jáne qarjylyq resýrstaryn ońtailandyrýǵa múmkindik beredi, bul qazirgi ekonomikalyq ahýal jaǵdaiynda mańyzdy.
«Aq jol» demokratiialyq partiiasy Qazaqstandaǵy jetekshi saiasi uiymdardyń biri retinde atalǵan sailaýǵa óziniń qatysatynyn málimdeidi.
Biz qurylǵan sátten bastap barlyq parlamenttik sailaýǵa qatysyp kelemiz. 2004 jyly «Aq jol» QDP partiialyq tizimi boiynsha 12% daýys jinady, al 2012 jyldan bastap QR Parlamenti Májilisinde turaqty túrde parlamenttik fraktsiiany quraidy.
«Aq jol» demokratiialyq partiiasy aldaǵy ýaqytta da Qazaqstannyń ulttyq múddelerine, parlamenttik institýttardy engizýge, naryqtyq ekonomikany damytýǵa jáne sybailas jemqorlyqqa qarsy kúresti júrgizýge qyzmet etetin bolady.
Biz sondai-aq pandemiianyń jańa tolqyny men ózge de syrtqy syn-tegeýrinderdiń saqtalyp otyrǵan qaýipine bailanysty, búgingi kezeńniń kúrdeliligin atap ótemiz. Sailaý organdaryn, basqa partiialardaǵy áriptesterimizdi jáne sailaýshylardy sailaý aldyndaǵy is-sharalardy ótkizý kezinde barlyq qajetti qaýipsizdik sharalaryn saqtaýǵa, sondai-aq adal jáne ashyq sailaý ótkizýge shaqyramyz.
