Foto: parlam.kz
"Aq jol" dempartiiasy taiaýda quramynan shyǵarylǵan Asqar Sadyqovtyń búgingi málimdemesine bailanysty málimdeme jasady. Bul týraly Ult.kz partiia saityna silteme jasap habarlaidy.
Málimdemede aitylǵandai, Asqar Sadyqov partiia tóraǵasy keltirgen derekterden basqa ózin partiia qatarynan shyǵarýǵa negiz bolarlyq esh dáiektiń joqtyǵyn alǵa tartqan.
"Ol tipti, harrasment faktilerin joqqa shyǵaryp ta otyrǵan joq. Sonyń ózi ǵana ony partiia qatarynan shyǵarýǵa jetip jatyr. Alaida, partiia tóraǵasy Sadyqovqa taǵylǵan aiyptar etikalyq normalardyń buzylýy ǵana emes, ózge de salmaǵy aýyr jaittarǵa qatysty ekendigin tilge tiek etkeni beker emes", - delingen málimdemede.
Sondai-aq partiia málimdemesinde mysaldar keltirilgen.
"A. Sadyqovtyń úshinshi tulǵalardyń paidasy úshin óz ókilettiligin asyra paidalaný áreketi anyqtaldy. Mundaida etikalyq normalardy buzý azamattyq quqyqtyq salaǵa kóbirek qatysty bolsa, laýazymdyq ókilettikti asyra paidalaný quqyq qorǵaý organdarynyń quzyretine jatatyn quqyqtyq qylmys bolyp tabylady, sondyqtan partiia tóraǵasynyń málimdeýinde bul faktiler kórsetilgen joq edi.
Biraq, onyń barlyǵy da plenýmda talqylanyp, Sadyqovtyń áreketteri partiia bedeline nuqsan keltirýi múmkin degen qorytyndy shyǵaryldy. Másele A.Sadyqovtyń depýtat retinde memlekettik satyp alý protsedýrasyna aralasýy jáne óz tanystarynyń tenderlerde jeńiske jetýin qamtamasyz etý talaptary týraly bolyp otyr (ákimderdiń biriniń A.Sadyqovtyń memlekettik satyp alý nátijelerine yqpal etýge tyrysqany jóninde resmi hattary qolymyzda bar)", - delingen málimdemede.
Adal biznes pen shynaiy básekelestikti qoldaityn «Aq jol» dempartiiasy osy jaǵdaidy saraptai kele mundai áreketter partiianyń Jarǵysy men Baǵdarlamasyna qaishy keledi dep esepteidi. Sonymen qatar, A.Sadyqovtyń áreketi sybailas jemqorlyq qylmystaryn jasaý táýekelderin týdyrady.
"Talqylaýǵa qatysqan A.Sadyqov áriptesteriniń pikirine mán bermei, depýtat retinde qandai da bir áreket jasaýǵa quqyly ekenin aityp, óz qateligin moiyndaýdan bas tartty.
Osyǵan bailanysty pleným ony partiiadan shyǵarý týraly sheshim qabyldady. Plenýmnyń ókilettikterin jáne qabyldanǵan sheshimniń zańdylyǵyn Qazaqstan Respýblikasynyń Ortalyq sailaý komissiiasy qabyldap, nátijesinde A.Sadyqov depýtattyq mandatynan aiyryldy", - delingen habarda.
Partiia ókilderiniń aitýynsha, Asqar Sadyqovtyń ózine qatysty sheshimniń negizsiz ekendigi týraly áńgimeleri esh dáiekke súienbegen bos sózder ǵana.
Aita keteiik, buǵan deiin Asqar Sadyqov "Aq jol" partiiasynan shyǵarylǵannan keiin daý shyqqan. Partiia tóraǵasy Azat Perýashev ol nelikten shyǵarylǵanyn túsindire otyryp, ol harrasmentpen ainalysqany týraly derekter keltirgen.
Búgin, 5 qyrkúiekte Asqar Sadyqov bul aiyptaýǵa qatysty jaýap berip, negizsiz aiyp taǵylǵanyn málimdegen.
