«Aq jol» depýtattyq fraktsiiasy qazaqstandyq kelissóz júrgizýshilerdi hallyqaralyq sharttardy jasaýda ulttyq múddeni qorǵaýǵa shaqyrdy. Osy oraida Májilis depýtaty Azat Perýashev Úkimet basshysy Asqar Maminniń atyna tiisti saýaldy joldady, dep habarlaidy QazAqparat.
Onyń atap ótýinshe, memlekettik organdar syrtqy ekonomikalyq yntymaqtastyqtaǵy qadamdar tek elimizdiń ulttyq múddesine sai bolýyna nazar aýdarýy kerek. Óitkeni kelissóz júrgizýshilerdiń biliksizdigi saldarynan el múddesine nuqsan keledi. Bul problema kornavirýs indetiniń taralýy kezeńinde ózekti bolyp tur.
A. Perýashevtiń paiymynsha, bul baǵyttaǵy keibir kemshilikterdi eskere otyryp, ulttyq ekonomikalyq múddege nuqsan keltiretin kemsitýshilik qadamdar syrtqy saýdadaǵy basqa da kelisimderde bolýy múmkin.
«Osyǵan bailanysty «Aq jol» partiiasynyń depýtattyq fraktsiiasy Úkimetten integratsiialyq birlestikterde qujattardy daiarlaý kezeńinde elimizdiń ókilderine ulttyq múddeni qatań ustanýdy tapsyrýdy suraidy. Ásirese, indet saldarynan kásipkerler qiyn jaǵdaiǵa tap bolǵan osy kezeńde bul másele ózekti bolyp tur», - dedi depýtat.
A. Perýashevtiń sózine qaraǵanda, elimizdiń barlyq halyqaralyq ekonomikalyq mindettemelerine shuǵyl túrde taldaý jasaý kerek. Osy oraida DSU men EAEO ishindegi sharttarda ulttyq ekonomikalyq múddelerdiń qorǵalýy eskerilýi kerek. Qajet bolǵanda, qujattarǵa ózgerister engizýge bastamashylyq jasalaýy qajet.
Munymen qosa depýtat jergilikti kásiporyndardy qoldaýda tiisti talaptardy qamtý kerektigin atap ótti.
