«Aq mainerlerge» qarsy mindettemeler qoiylady. Bul týraly Úkimet otyrysynda QR Tsifrlyq damý, innovatsiialyq jáne aeroǵarysh ónerkásibi ministri Baǵdat Mýsin aitty, dep habarlaidy QazAqparat.
«Naryqty retteý boiynsha tsifrlyq mainingti litsenziialaý engiziledi. Munda negizgi kriterii - tehnikalyq talaptarǵa sáikes bolý, iaǵni qajetti jabdyqtardyń, órt qaýipsizdigi boiynsha tiisti bólmeniń jáne mindettemelerdiń bolýyn qarastyrý. Sondai-aq, arnaiy tarifti engizý, elektr energiiasyn kvotalaý júiesi naryq músheleri men jalpy memleket úshin ashyq jáne túsinikti naryq qaǵidattaryn ornatady», - dedi ol.
Ministr halyqaralyq tájiribeni eskere otyryp, salyq salýdyń ońtaily júiesi aiqyndalatynyn aitty.
«Bul jaitta, qytai tájiribesin qaitalamaý úshin naryǵymyzdyń básekelestigin arttyrý, mańyzdy oiynshylardyń elimizde jumys isteýge degen yntasyn saqtaý sekildi táýekelder eskeriletin bolady. Sondai-aq, ESG talaptaryn saqtaý turǵysynan «aq mainerlerge» qarsy mindettemeler qoiylatyn bolady. Tsifrly aktivter jónindegi zań jobasy bir top májilis depýtatymen bastamashylyq etilgen bolatyn. Bul is-sharalar atalǵan zań jobasynyń aiasynda talqylanady», - dedi Baǵdat Mýsin.
