Air Astana áýe kompaniiasynyń ushaǵy tehnikalyq sebepterge bailanysty Frankfýrttan ekinshi táýlik usha almai otyr, dep habarlaidy QazAqparat tilshisi.
Áýe kompaniiasynyń habarlaýynsha, qazir áýe bortyndaǵy aqaý jóndelip, reis ushýǵa daiyn.
«Frankfýrt-Astana baǵytyndaǵy KS 922 reisi 26 naýryzda saǵat 16:00-de ushýy tiis bolǵan. Alaida ushaq dóńgelegindegi aqaýǵa bailanysty áýe keme jolǵa shyǵa almady. Jolaýshylarǵa ystyq tamaq pen jatyn oryn qamtamasyz etildi. Reis búgin 16:00-de ushyp shyǵýy tiis», - dedi Air Astana baspasóz hatshysy Tilek Abdrahmanov.
Reistiń bógelgeni týraly Májilis depýtaty Irina Smirnova habarlaǵan bolatyn.
«Ekinshi táýlik Astanaǵa jete almai jatyrmyz. Bizdiń ushaq ushýǵa jaramsyz dedi. Nemis mamandary aqaý bar dep tur. Olardyń aitýynsha, bizdiń áýe kompaniiasy aqaýly ushaqtarmen jii keledi eken. Air Astana, biz qashan Astanaǵa jetemiz? Kúndelikti áýe biletiniń baǵasy sharyqtap bara jatqanyna qaramastan, naryqtaǵy basqa kompaniialardy yǵystyryp bara jatqanyna qaramastan, osyndai aqaý bolatyny túsiniksiz» - dedi depýtat áleýmetik jelide.
«Eir Astana» AQ qoǵammen bailanys departamenti bógelgen reis jolaýshylary ótemaqy alý úshin kompaniiaǵa júgine alatyndaryn habarlady.
