Air Astana ەۋە كومپانيياسىنىڭ ۇشاعى تەحنيكالىق سەبەپتەرگە بايلانىستى فرانكفۋرتتان ەكٸنشٸ تەۋلٸك ۇشا الماي وتىر, دەپ حابارلايدى قازاقپارات تٸلشٸسٸ.
ەۋە كومپانيياسىنىڭ حابارلاۋىنشا, قازٸر ەۋە بورتىنداعى اقاۋ جٶندەلٸپ, رەيس ۇشۋعا دايىن.
«فرانكفۋرت-استانا باعىتىنداعى كس 922 رەيسٸ 26 ناۋرىزدا ساعات 16:00-دە ۇشۋى تيٸس بولعان. الايدا ۇشاق دٶڭگەلەگٸندەگٸ اقاۋعا بايلانىستى ەۋە كەمە جولعا شىعا المادى. جولاۋشىلارعا ىستىق تاماق پەن جاتىن ورىن قامتاماسىز ەتٸلدٸ. رەيس بٷگٸن 16:00-دە ۇشىپ شىعۋى تيٸس», - دەدٸ Air Astana باسپاسٶز حاتشىسى تٸلەك ابدراحمانوۆ.
رەيستٸڭ بٶگەلگەنٸ تۋرالى مەجٸلٸس دەپۋتاتى يرينا سميرنوۆا حابارلاعان بولاتىن.
«ەكٸنشٸ تەۋلٸك استاناعا جەتە الماي جاتىرمىز. بٸزدٸڭ ۇشاق ۇشۋعا جارامسىز دەدٸ. نەمٸس ماماندارى اقاۋ بار دەپ تۇر. ولاردىڭ ايتۋىنشا, بٸزدٸڭ ەۋە كومپانيياسى اقاۋلى ۇشاقتارمەن جيٸ كەلەدٸ ەكەن. Air Astana, بٸز قاشان استاناعا جەتەمٸز? كٷندەلٸكتٸ ەۋە بيلەتٸنٸڭ باعاسى شارىقتاپ بارا جاتقانىنا قاراماستان, نارىقتاعى باسقا كومپانييالاردى ىعىستىرىپ بارا جاتقانىنا قاراماستان, وسىنداي اقاۋ بولاتىنى تٷسٸنٸكسٸز» - دەدٸ دەپۋتات ەلەۋمەتٸك جەلٸدە.
«ەير استانا» اق قوعاممەن بايلانىس دەپارتامەنتٸ بٶگەلگەن رەيس جولاۋشىلارى ٶتەماقى الۋ ٷشٸن كومپانيياعا جٷگٸنە الاتىندارىن حابارلادى.
