Foto: gov.kz
Ushý kezinde jolaýshylardyń biriniń jaǵdaiy kúrt nasharlaǵan.
Air Astana áýe kompaniiasynyń ushaǵy 24 naýryzǵa qaraǵan túni Bakýdegi Geidar Áliev halyqaralyq áýejaiyna májbúrli túrde qondy, dep habarlaidy Ult.kz Azattyq Rýhy -na silteme jasap.
Airbus A321 áýe kemesi Tbilisiden Almatyǵa baǵyt alǵan. Alaida ushý kezinde jolaýshylardyń biriniń jaǵdaiy kúrt nasharlaǵandyqtan, ekipaj komandiri shuǵyl qoný týraly sheshim qabyldady. Oxu.az portalynyń málimetinshe, ushaq jergilikti ýaqytpen 00:25-te sátti qonǵan.
Naýqasqa alǵashqy meditsinalyq kómek kórsetilip, keiin jedel járdemmen aýrýhanaǵa jetkizildi.
Air Astana kompaniiasynyń sheshimimen reistiń ári qarai ushýy ýaqytsha toqtatyldy. Qalǵan jolaýshylar qonaqúige ornalastyryldy.
