«Samuryq-Qazyna» UÁQ» AQ aktivterdi basqarý jáne jekeshelendirý jónindegi direktsiia basshysy Almasadam Satqaliev «Air Astana», «Qazaq Air» aviakompaniialary men «Qazaqstan temir joly» UK» AQ qashan jekeshelendiriletinin aitty, dep habarlaidy QazAqparat.
«Qazirgi jaǵdaidy taldai otyryp, bizdiń kompaniialardyń IRO-syna qatysty aitarlyqtai qaýip baryn anyqtadyq. Iaǵni qazir IRO-ǵa qoiylǵan jaǵdaida kompaniialar baǵa jaǵynan da, kólemi jaǵynan da Úkimet qoiǵan parametrlik bazalarǵa jetpei qalýy múmkin. Sol sebepti bizdiń strategiia boiynsha kompaniialardyń uzaq merzimdi baǵasyna baǵyt-baǵdar ustanyp otyrmyz. Qazaqstan halqy úshin osylaisha barynsha tabys keletindei jumys júrgizbekpiz», - dedi Almasadam Satqaliev tikelei efirde ótip jatqan baspasóz máslihatynda.
Sol sebepti «Samuryq-Qazyna» UÁQ» AQ Úkimetke kompaniialardyń jekeshelendirilý merzimin ózgertý týraly usynys bildirgen.
«Iaǵni biz biyl tizimde tek tórt aktivti qaldyrýdy usyndyq. Olar: «Qazaqtelekom» men ortasha kólemdegi úsh aktiv. 2021 jyly jekeshelendiriletin iri aktivterdiń ishinde tek «Qazposhta» pen «Samuryq Energo» bar. Al 2022 jyly «Air Astana» men «Qazaq Air», sonymen birge «Samuryq-Qazynanyń» taý-ken kompaniiasyn, 2023 jyly «Qazaqstan temir jolyn» jekeshelendirmekpiz», - dedi ol.
