«سامۇرىق-قازىنا» ۇەق» اق اكتيۆتەردٸ باسقارۋ جەنە جەكەشەلەندٸرۋ جٶنٸندەگٸ ديرەكتسييا باسشىسى الماسادام ساتقاليەۆ «Air Astana», «Qazaq Air» اۆياكومپانييالارى مەن «قازاقستان تەمٸر جولى» ۇك» اق قاشان جەكەشەلەندٸرٸلەتٸنٸن ايتتى, دەپ حابارلايدى قازاقپارات.
«قازٸرگٸ جاعدايدى تالداي وتىرىپ, بٸزدٸڭ كومپانييالاردىڭ ٸرو-سىنا قاتىستى ايتارلىقتاي قاۋٸپ بارىن انىقتادىق. ياعني قازٸر ٸرو-عا قويىلعان جاعدايدا كومپانييالار باعا جاعىنان دا, كٶلەمٸ جاعىنان دا ٷكٸمەت قويعان پارامەترلٸك بازالارعا جەتپەي قالۋى مٷمكٸن. سول سەبەپتٸ بٸزدٸڭ ستراتەگييا بويىنشا كومپانييالاردىڭ ۇزاق مەرزٸمدٸ باعاسىنا باعىت-باعدار ۇستانىپ وتىرمىز. قازاقستان حالقى ٷشٸن وسىلايشا بارىنشا تابىس كەلەتٸندەي جۇمىس جٷرگٸزبەكپٸز», - دەدٸ الماسادام ساتقاليەۆ تٸكەلەي ەفيردە ٶتٸپ جاتقان باسپاسٶز مەسليحاتىندا.
سول سەبەپتٸ «سامۇرىق-قازىنا» ۇەق» اق ٷكٸمەتكە كومپانييالاردىڭ جەكەشەلەندٸرٸلۋ مەرزٸمٸن ٶزگەرتۋ تۋرالى ۇسىنىس بٸلدٸرگەن.
«ياعني بٸز بيىل تٸزٸمدە تەك تٶرت اكتيۆتٸ قالدىرۋدى ۇسىندىق. ولار: «قازاقتەلەكوم» مەن ورتاشا كٶلەمدەگٸ ٷش اكتيۆ. 2021 جىلى جەكەشەلەندٸرٸلەتٸن ٸرٸ اكتيۆتەردٸڭ ٸشٸندە تەك «قازپوشتا» پەن «سامۇرىق ەنەرگو» بار. ال 2022 جىلى «Air Astana» مەن «Qazaq Air», سونىمەن بٸرگە «سامۇرىق-قازىنانىڭ» تاۋ-كەن كومپانيياسىن, 2023 جىلى «قازاقستان تەمٸر جولىن» جەكەشەلەندٸرمەكپٸز», - دەدٸ ول.
