Jumys babymen Kievke shuǵyl ushyp barǵan Air Astana kompaniasynyń prezidenti Piter Foster Qazaqstan elshiliginiń jertólesinde bas saýǵalap otyr, dep habarlaidy ulysmedia.kz.
Onyń áieli Tatiana Fosterdiń sózinshe, keshe jubaiy 2 kúnge Aqtaýǵa issaparǵa ketken.
«Búgin tańerteń Piter maǵan qońyraý shalyp, Kievte ekenin jáne menen aqparatty jasyrýǵa májbúr bolǵanyn aitty. Ol Qazaqstan azamattaryn evakýatsiialaý úshin, Kievke shuǵyl barǵan», - deidi Tatiana.
Ýkrainadaǵy barlyq áýejai jabyq bolǵandyqtan, el azamattaryn Polsha arqyly shyǵarýǵa sheshim qabyldanǵan.
«Meniń jubaiym «EirAstana» aviakompaniiasynyń prezidenti. Jer ústi qyzmeti jónindegi vitse-prezident Aleksandr Neboga ekeýi Qazaqstannyń Ýkrainadaǵy elshiliginde boldy jáne sol kezde barlyq áýejailar, onyń ishinde Borispol jabylǵandyqtan, Qazaqstan azamattaryn Polshadaǵy Katovitsa qalasy arqyly ushyrýǵa sheshim qabyldandy. Evakýatsiia shtabyn Polshamen shekaraǵa jaqyn jáne Kievke qaraǵanda qaýipsiz Lvovta uiymdastyrý sheshilgen», - deidi Fosterdiń áieli.
Lvovta evakýatsiialanatyn adamdardyń tizimi jasalyp, qazaqstandyq pasport ielerine Polshamen shekaradan ótýge múmkindik beretin dáliz kelisilýi kerek bolǵan.
«Jubaiymnyń kezekti qońyraýy meni shoshytty. Ol Kievten Lvovqa deiingi jolda 3 saǵat ótkizgen. Olar ainalma jolǵa túskende reseilik tankter men bronetransporterlerdiń kolonnasyna tap bolǵan. Bul Ýkraina astanasy Kievten nebári 20 shaqyrym, 3 saǵattyq jerde. Piter kólikti keri buryp, Kievke oralýǵa sheshim qabyldady. Qazirgi ýaqytta olar Aleksandrmen birge Qazaqstan Elshiliginde. Elshiliktiń jertólesinde. Jaqyn mańda áskeri kúshterdiń shaiqasy júrip jatyr», - dep bilgenimen bólisti Tatiana.
Sondai-aq, ol erteń oqiǵa qalai órbitini týraly da jazbaq.
