© Photo: Air Astana áýe kompaniiasynyń resmi saity
Air Astana kompaniiasyna árbir áýe biletinen janarmai alymyn negizsiz alǵany úshin 6,7 mlrd teńge aiyppul salyndy, dep habarlaidy "Ult aqparat" Básekelestikti qorǵaý jáne damytý agenttigine silteme jasap.
Agenttik kólik prokýratýrasy organdarymen birlesip, Air Astana qyzmetine tekseris júrgizgen. Oǵan halyqtyń áýe biletteri baǵasynyń úzdiksiz, ásirese suranys joǵary kezeńde (jazǵy demalys - red.) ósýine qatysty shaǵymy sebep bolǵan.
"Tekseris qorytyndysy boiynsha Air Astana-nyń is-áreketterinde aviatasymal naryǵyndaǵy ústem jaǵdaidy teris paidalaný faktileri áshkere bolyp, árbir áýe biletinen janarmai alymyn negizsiz alǵany anyqtaldy", - delingen habarlamada.
8 maýsymda Almaty qalasynyń ákimshilik quqyqbuzýshylyqtar jónindegi mamandandyrylǵan aýdanaralyq soty Air Astana-ǵa 6,7 mlrd teńge kóleminde ákimshilik aiyppul saldy.
Sot sheshimi zańdy kúshine engen joq.
