Altai ólkesinde depýtattyń mas kúide janjal shyǵarǵan videosy jurtty shýlatty, dep habarlaidy ult.kz.
Áleýmettik jeliler men jergilikti Telegram-arnalarda taraǵan beinejazbada Kamensk aýdandyq jinalysynyń depýtaty Roman Beliakovtyń mas kúiinde úiinde janjal shyǵaryp, áieline qoqan-loqy kórsetkeni baiqalady. Kadrlarda onyń ashýǵa býlyǵyp, úidegi jihazdardy syndyryp jatqany kórinedi.
Videoda depýtat ózin eshkim jaýapqa tarta almaitynyn aityp, áieline óziniń biliktegi qyzmetin alǵa tartyp, qysym kórsetkeni de jazylǵan.
«Bankfaks» agenttiginiń málimetinshe, atalǵan oqiǵadan keiin Kamensk aýdandyq jinalysynyń depýtattary ádep jónindegi komissiianyń otyrysyn ótkizip, Roman Beliakovtyń áreketine quqyqtyq ári etikalyq baǵa berý máselesin qarastyrmaq.
Aita keteiik, ánshi ári telejúrgizýshi Asha Matai Ulttyq quryltai depýtattyǵyna kandidat retinde tirkelýine qatysty qoǵamda týyndaǵan qyzý pikirtalastardan keiin alǵash ret málimdeme jasady.
