التاي ٶلكەسٸندە دەپۋتاتتىڭ ماس كٷيدە جانجال شىعارعان ۆيدەوسى جۇرتتى شۋلاتتى, دەپ حابارلايدى ult.kz.
ەلەۋمەتتٸك جەلٸلەر مەن جەرگٸلٸكتٸ Telegram-ارنالاردا تاراعان بەينەجازبادا كامەنسك اۋداندىق جينالىسىنىڭ دەپۋتاتى رومان بەلياكوۆتىڭ ماس كٷيٸندە ٷيٸندە جانجال شىعارىپ, ەيەلٸنە قوقان-لوقى كٶرسەتكەنٸ بايقالادى. كادرلاردا ونىڭ اشۋعا بۋلىعىپ, ٷيدەگٸ جيھازداردى سىندىرىپ جاتقانى كٶرٸنەدٸ.
ۆيدەودا دەپۋتات ٶزٸن ەشكٸم جاۋاپقا تارتا المايتىنىن ايتىپ, ەيەلٸنە ٶزٸنٸڭ بيلٸكتەگٸ قىزمەتٸن العا تارتىپ, قىسىم كٶرسەتكەنٸ دە جازىلعان.
«بانكفاكس» اگەنتتٸگٸنٸڭ مەلٸمەتٸنشە, اتالعان وقيعادان كەيٸن كامەنسك اۋداندىق جينالىسىنىڭ دەپۋتاتتارى ەدەپ جٶنٸندەگٸ كوميسسييانىڭ وتىرىسىن ٶتكٸزٸپ, رومان بەلياكوۆتىڭ ەرەكەتٸنە قۇقىقتىق ەرٸ ەتيكالىق باعا بەرۋ مەسەلەسٸن قاراستىرماق.
ايتا كەتەيٸك, ەنشٸ ەرٸ تەلەجٷرگٸزۋشٸ اشا ماتاي ۇلتتىق قۇرىلتاي دەپۋتاتتىعىنا كانديدات رەتٸندە تٸركەلۋٸنە قاتىستى قوعامدا تۋىنداعان قىزۋ پٸكٸرتالاستاردان كەيٸن العاش رەت مەلٸمدەمە جاسادى.
