Áleýmettik jelide qyzý talqyǵa túsken videoda egde jastaǵy qazaqstandyq áiel kóshede qysqa kiim kigen boijetkenge eskertý jasaidy, dep habarlaidy ult.kz.
Onyń aitýynsha, «qazaqtyń qyzyna kóshede qysqa kiip júrý jaraspaidy». Áiel ulttyq qundylyqtar men qoǵamdyq ádepti alǵa tartyp, mundai kiim úlgisi durys emes ekenin jetkizgen.
Alaida boijetken ózine beitanys adamnyń syrt kelbetine qatysty eskertý jasaýǵa quqyǵy joq ekenin aityp, ózi qazaq emes, korei ultynan ekenin túsindiredi. Soǵan qaramastan egde áiel qala ishinde mundai ashyq kiimmen júrý orynsyz degen pikirinen qaitpaidy.
Video áleýmettik jelide keńinen tarap, qoǵam pikirin ekige bóldi. Bir top qoldanýshy egde jastaǵy áieldiń sózin qoldap, ulttyq tárbie men qoǵamdyq mádeniet máselesin kóterse, endi biri ár adamnyń qalai kiinetinin ózi sheshýi tiis ekenin aityp, boijetkendi jaqtady. Olar bóten adamnyń jeke tańdaýyna aralasý durys emes dep sanaidy.
