Qazaqstan Prezidenti Qasym-Jomart Toqaevtyń Jarlyǵymen Aidos Sákenuly Myrzahmetov Qazaqstan Respýblikasynyń Qorǵanys ministri bolyp taǵaiyndaldy. Osyǵan bailanysty ol buǵan deiin atqarǵan qyzmetinen bosatyldy, dep habarlaidy ult.kz.
Aidos Myrzahmetov 2024 jyldyń qańtarynan beri Qazaqstan Qarýly kúshteriniń Arnaiy operatsiialar kúshteriniń qolbasshysy qyzmetin atqardy. Bul qyzmetke ol Memleket basshysynyń ókimimen taǵaiyndalǵan.
Myrzahmetov – Qazaqstan Respýblikasy Qarýly kúshteri Áskeri akademiiasynyń 2002 jylǵy túlegi. Áskeri qyzmetin vzvod komandirinen bastap, keiin Memlekettik kúzet qyzmeti departamentiniń bastyǵyna deiin kóterilgen.
2026 jylǵy 6 mamyrda oǵan general-maior áskeri ataǵy berildi. Ol sondai-aq II dárejeli «Aibyn» ordenimen marapattalǵan.
Myrzahmetov Qorǵanys ministri qyzmetine Dáýren Qosanovtyń ornyna keldi. Qosanov 27 qyrkúiekte Memleket basshysynyń Jarlyǵymen qyzmetinen bosatylǵan bolatyn.
Jańa ministrdiń taǵaiyndalýy Qorǵanys ministrligindegi jaǵdaidy keshendi tekserý jónindegi komissiia qurylǵannan keiin boldy. Komissiiaǵa ministrliktiń, sonyń ishinde áskeri qurylymdardyń qarjylyq jáne materialdyq-tehnikalyq qamtamasyz etilýine qatysty jaǵdaidy tekserý mindeti júktelgen.
