قازاقستان پرەزيدەنتٸ قاسىم-جومارت توقاەۆتىڭ جارلىعىمەن ايدوس سەكەنۇلى مىرزاحمەتوۆ قازاقستان رەسپۋبليكاسىنىڭ قورعانىس مينيسترٸ بولىپ تاعايىندالدى. وسىعان بايلانىستى ول بۇعان دەيٸن اتقارعان قىزمەتٸنەن بوساتىلدى, دەپ حابارلايدى ult.kz.
ايدوس مىرزاحمەتوۆ 2024 جىلدىڭ قاڭتارىنان بەرٸ قازاقستان قارۋلى كٷشتەرٸنٸڭ ارنايى وپەراتسييالار كٷشتەرٸنٸڭ قولباسشىسى قىزمەتٸن اتقاردى. بۇل قىزمەتكە ول مەملەكەت باسشىسىنىڭ ٶكٸمٸمەن تاعايىندالعان.
مىرزاحمەتوۆ – قازاقستان رەسپۋبليكاسى قارۋلى كٷشتەرٸ ەسكەري اكادەميياسىنىڭ 2002 جىلعى تٷلەگٸ. ەسكەري قىزمەتٸن ۆزۆود كومانديرٸنەن باستاپ, كەيٸن مەملەكەتتٸك كٷزەت قىزمەتٸ دەپارتامەنتٸنٸڭ باستىعىنا دەيٸن كٶتەرٸلگەن.
2026 جىلعى 6 مامىردا وعان گەنەرال-مايور ەسكەري اتاعى بەرٸلدٸ. ول سونداي-اق II دەرەجەلٸ «ايبىن» وردەنٸمەن ماراپاتتالعان.
مىرزاحمەتوۆ قورعانىس مينيسترٸ قىزمەتٸنە دەۋرەن قوسانوۆتىڭ ورنىنا كەلدٸ. قوسانوۆ 27 قىركٷيەكتە مەملەكەت باسشىسىنىڭ جارلىعىمەن قىزمەتٸنەن بوساتىلعان بولاتىن.
جاڭا مينيستردٸڭ تاعايىندالۋى قورعانىس مينيسترلٸگٸندەگٸ جاعدايدى كەشەندٸ تەكسەرۋ جٶنٸندەگٸ كوميسسييا قۇرىلعاننان كەيٸن بولدى. كوميسسيياعا مينيسترلٸكتٸڭ, سونىڭ ٸشٸندە ەسكەري قۇرىلىمداردىڭ قارجىلىق جەنە ماتەريالدىق-تەحنيكالىق قامتاماسىز ەتٸلۋٸنە قاتىستى جاعدايدى تەكسەرۋ مٸندەتٸ جٷكتەلگەن.
