QR Aqparat jáne qoǵamdyq damý ministri jumys saparymen Túrkiiaǵa bardy, dep habarlaidy "Ult aqparat" atalǵan vedomstvonyń baspasóz qyzmetine silteme jasap.
Aqparat jáne qoǵamdyq damý ministri Aida Balaevanyń jumys sapary barysynda Túrkiia Prezidenti Ákimshiliginiń Qoǵammen bailanys jónindegi basqarmasynyń basshysy Fahrettin Altýnmen, Jastar jáne sport ministri Mehmet Kasapoǵlýmen jáne din isteri basqarmasynyń tóraǵasy Ali Erbashpen kezdesýleri nátijeli ótti.
Is-sharalar barysynda Ministrliktiń jetekshilik etetin salalary boiynsha yntymaqtastyqty damytýdyń ózekti máseleleri jan-jaqty talqylandy.
Praktikalyq salalardaǵy áriptestikti jandandyrý perspektivalaryna, onyń ishinde aqparat, din salalarynyń mamandaryn daiarlaý, volonterlik qyzmetti damytýdaǵy tájiribe jáne ózara ozyq úlgilermen almasýdy júzege asyrý boiynsha birqatar máselelerge erekshe nazar aýdaryldy.
Túrkiianyń jastar isi jáne sport ministri M.Kasapoglýmen kezdesý barysynda Qazaqstannyń Aqparat jáne qoǵamdyq damý ministrligi men Túrkiia Respýblikasynyń Jastar isi jáne sport ministrligi arasynda jastar saiasaty salasyndaǵy ózara túsinistik týraly Memorandým jasasý qajettiligi týraly ýaǵdalastyqqa qol jetkizildi. Yntymaqtastyq boiynsha volonterlik qyzmettegi tájiribe almasý kózdeledi, - dep habarlady ministrliktiń baspasóz qyzmeti.
Aida Balaeva 2021 jylǵy 31 naýryzda ótken Túrki keńesiniń beiresmi Sammitinde memleket basshylarynyń SOVID-19 pandemiiasynyń taralýyna jol bermeý úshin birigý jáne áriptestik ornatý qajettigi týraly aitqanyn eske saldy. Sondai-aq ol eki eldiń jastar kóshbasshylary arasyndaǵy qarym-qatynasty jandandyrý alańy sanalatyn – Túrki keńesiniń IV jastar festivaliniń biyl Qazaqstanda ótetinin atap ótti.
Túrkiia Respýblikasy Din isteri basqarmasynyń tóraǵasy Ali Erbashpen kezdesýde ministr A.Balaeva Túrkiia ýniversitetterinde Qazaqstan musylmandary dini basqarmasynyń jiberýimen qazaqstandyq teologtardy daiarlaýdaǵy yntymaqtastyqty odan ári tereńdetý men nyǵaitýǵa múddelilik bildirdi.
Jumys sapary barysynda ásirese Túrkiianyń teledidar naryǵynyń jetekshilerimen ótkizgen kezdesýlerge erekshe mán berildi. Atap aitqanda, "TRT" memlekettik tele-radiokompaniiasynyń basshysy Ibrahim Erenmen, Túrkiianyń "Anadolu" aqparattyq agenttiginiń basshylyǵymen jáne Stambýldaǵy teleserialdar túsirý alańynyń direktory Iahei Taip Aidenizmen kezdesýler ótti.
Ministrlik birlesken kontent qurý, onyń ishinde ortaq túrki mádenieti men tarihyn tanymal etý máseleleri boiynsha televiziialyq ónimderdiń túrik óndirýshilerimen yntymaqtastyǵynyń kólemi men sapasyn arttyrýǵa daiyn. Aita keteý kerek, "Qazaqstan" RTRK men Túrkiianyń "TRT" memlekettik tele-radiokompaniiasy arasynda "Qorqyt ata" birlesken televiziialyq jobasyn qurý týraly kelissózderdi bastaý týraly kelisimge qol jetkizildi. Sondai-aq, Túrik tarapy túsirgen Qoja Ahmet Iassaýi týraly telehikaianyń kórsetilimi Qazaqstan kórermenderine de taiaý arada kórsetiletini belgili boldy, - delingen habarlamada.
Televiziialyq mamandardyń tájiribe almasýy aiasynda Aida Balaeva Túrkiianyń jetekshi mamandaryn qazaqstandyq áriptesterin oqytýǵa jáne úiretýge shaqyrdy. Ol bul baǵyttaǵy jumysty pandemiia kezindegi epidemiologiialyq jaǵdai turaqtalǵannan keiin oflain-formatta uiymdastyrýǵa bolatyndyǵyn atap ótti. Ministr Túrkiianyń media salasy men shyǵarmashylyq toptarynyń ókilderin osy jyly iske qosylǵan "Turkistan" telearnasynyń jobalaryna qatysýǵa shaqyrdy
Ministr Aida Balaeva Túrkiia Prezidenti Ákimshiliginiń qoǵammen bailanys jónindegi Bas basqarmasynyń basshysy Fahrettin Altýnǵa shaqyrtý úshin alǵys aityp, ony QR "Aqparat salasynyń úzdigi" tósbelgisimen marapattady. Ol Qazaqstan men Túrkiiany Elbasy Nursultan Nazarbaev pen Prezident Qasym-Jomart Toqaev erekshe nazar aýdaryp otyrǵan dostyq qarym-qatynastar bailanystyratynyn atap ótti.
QR AQDM basshysy ózi basqaratyn vedomstvonyń jetekshilik etetin salalary boiynsha áriptestikti odan ári damytýǵa daiyndyǵyn jetkizdi.
