قر اقپارات جەنە قوعامدىق دامۋ مينيسترٸ جۇمىس ساپارىمەن تٷركيياعا باردى, دەپ حابارلايدى "ۇلت اقپارات" اتالعان ۆەدومستۆونىڭ باسپاسٶز قىزمەتٸنە سٸلتەمە جاساپ.
اقپارات جەنە قوعامدىق دامۋ مينيسترٸ ايدا بالاەۆانىڭ جۇمىس ساپارى بارىسىندا تٷركييا پرەزيدەنتٸ ەكٸمشٸلٸگٸنٸڭ قوعاممەن بايلانىس جٶنٸندەگٸ باسقارماسىنىڭ باسشىسى فاحرەتتين التۋنمەن, جاستار جەنە سپورت مينيسترٸ مەحمەت كاساپوعلۋمەن جەنە دٸن ٸستەرٸ باسقارماسىنىڭ تٶراعاسى الي ەرباشپەن كەزدەسۋلەرٸ نەتيجەلٸ ٶتتٸ.
ٸس-شارالار بارىسىندا مينيسترلٸكتٸڭ جەتەكشٸلٸك ەتەتٸن سالالارى بويىنشا ىنتىماقتاستىقتى دامىتۋدىڭ ٶزەكتٸ مەسەلەلەرٸ جان-جاقتى تالقىلاندى.
پراكتيكالىق سالالارداعى ەرٸپتەستٸكتٸ جانداندىرۋ پەرسپەكتيۆالارىنا, ونىڭ ٸشٸندە اقپارات, دٸن سالالارىنىڭ ماماندارىن دايارلاۋ, ۆولونتەرلٸك قىزمەتتٸ دامىتۋداعى تەجٸريبە جەنە ٶزارا وزىق ٷلگٸلەرمەن الماسۋدى جٷزەگە اسىرۋ بويىنشا بٸرقاتار مەسەلەلەرگە ەرەكشە نازار اۋدارىلدى.
تٷركييانىڭ جاستار ٸسٸ جەنە سپورت مينيسترٸ م.كاساپوگلۋمەن كەزدەسۋ بارىسىندا قازاقستاننىڭ اقپارات جەنە قوعامدىق دامۋ مينيسترلٸگٸ مەن تٷركييا رەسپۋبليكاسىنىڭ جاستار ٸسٸ جەنە سپورت مينيسترلٸگٸ اراسىندا جاستار ساياساتى سالاسىنداعى ٶزارا تٷسٸنٸستٸك تۋرالى مەموراندۋم جاساسۋ قاجەتتٸلٸگٸ تۋرالى ۋاعدالاستىققا قول جەتكٸزٸلدٸ. ىنتىماقتاستىق بويىنشا ۆولونتەرلٸك قىزمەتتەگٸ تەجٸريبە الماسۋ كٶزدەلەدٸ, - دەپ حابارلادى مينيسترلٸكتٸڭ باسپاسٶز قىزمەتٸ.
ايدا بالاەۆا 2021 جىلعى 31 ناۋرىزدا ٶتكەن تٷركٸ كەڭەسٸنٸڭ بەيرەسمي سامميتٸندە مەملەكەت باسشىلارىنىڭ سوVID-19 پاندەميياسىنىڭ تارالۋىنا جول بەرمەۋ ٷشٸن بٸرٸگۋ جەنە ەرٸپتەستٸك ورناتۋ قاجەتتٸگٸ تۋرالى ايتقانىن ەسكە سالدى. سونداي-اق ول ەكٸ ەلدٸڭ جاستار كٶشباسشىلارى اراسىنداعى قارىم-قاتىناستى جانداندىرۋ الاڭى سانالاتىن – تٷركٸ كەڭەسٸنٸڭ IV جاستار فەستيۆالٸنٸڭ بيىل قازاقستاندا ٶتەتٸنٸن اتاپ ٶتتٸ.
تٷركييا رەسپۋبليكاسى دٸن ٸستەرٸ باسقارماسىنىڭ تٶراعاسى الي ەرباشپەن كەزدەسۋدە مينيستر ا.بالاەۆا تٷركييا ۋنيۆەرسيتەتتەرٸندە قازاقستان مۇسىلماندارى دٸني باسقارماسىنىڭ جٸبەرۋٸمەن قازاقستاندىق تەولوگتاردى دايارلاۋداعى ىنتىماقتاستىقتى ودان ەرٸ تەرەڭدەتۋ مەن نىعايتۋعا مٷددەلٸلٸك بٸلدٸردٸ.
جۇمىس ساپارى بارىسىندا ەسٸرەسە تٷركييانىڭ تەلەديدار نارىعىنىڭ جەتەكشٸلەرٸمەن ٶتكٸزگەن كەزدەسۋلەرگە ەرەكشە مەن بەرٸلدٸ. اتاپ ايتقاندا, "TRT" مەملەكەتتٸك تەلە-راديوكومپانيياسىنىڭ باسشىسى يبراحيم ەرەنمەن, تٷركييانىڭ "Anadolu" اقپاراتتىق اگەنتتٸگٸنٸڭ باسشىلىعىمەن جەنە ستامبۋلداعى تەلەسەريالدار تٷسٸرۋ الاڭىنىڭ ديرەكتورى ياحەي تايپ ايدەنيزمەن كەزدەسۋلەر ٶتتٸ.
مينيسترلٸك بٸرلەسكەن كونتەنت قۇرۋ, ونىڭ ٸشٸندە ورتاق تٷركٸ مەدەنيەتٸ مەن تاريحىن تانىمال ەتۋ مەسەلەلەرٸ بويىنشا تەلەۆيزييالىق ٶنٸمدەردٸڭ تٷرٸك ٶندٸرۋشٸلەرٸمەن ىنتىماقتاستىعىنىڭ كٶلەمٸ مەن ساپاسىن ارتتىرۋعا دايىن. ايتا كەتەۋ كەرەك, "Qazaqstan" رترك مەن تٷركييانىڭ "TRT" مەملەكەتتٸك تەلە-راديوكومپانيياسى اراسىندا "قورقىت اتا" بٸرلەسكەن تەلەۆيزييالىق جوباسىن قۇرۋ تۋرالى كەلٸسسٶزدەردٸ باستاۋ تۋرالى كەلٸسٸمگە قول جەتكٸزٸلدٸ. سونداي-اق, تٷرٸك تاراپى تٷسٸرگەن قوجا احمەت ياسساۋي تۋرالى تەلەحيكايانىڭ كٶرسەتٸلٸمٸ قازاقستان كٶرەرمەندەرٸنە دە تاياۋ ارادا كٶرسەتٸلەتٸنٸ بەلگٸلٸ بولدى, - دەلٸنگەن حابارلامادا.
تەلەۆيزييالىق مامانداردىڭ تەجٸريبە الماسۋى اياسىندا ايدا بالاەۆا تٷركييانىڭ جەتەكشٸ ماماندارىن قازاقستاندىق ەرٸپتەستەرٸن وقىتۋعا جەنە ٷيرەتۋگە شاقىردى. ول بۇل باعىتتاعى جۇمىستى پاندەمييا كەزٸندەگٸ ەپيدەميولوگييالىق جاعداي تۇراقتالعاننان كەيٸن وفلاين-فورماتتا ۇيىمداستىرۋعا بولاتىندىعىن اتاپ ٶتتٸ. مينيستر تٷركييانىڭ مەديا سالاسى مەن شىعارماشىلىق توپتارىنىڭ ٶكٸلدەرٸن وسى جىلى ٸسكە قوسىلعان "Turkistan" تەلەارناسىنىڭ جوبالارىنا قاتىسۋعا شاقىردى
مينيستر ايدا بالاەۆا تٷركييا پرەزيدەنتٸ ەكٸمشٸلٸگٸنٸڭ قوعاممەن بايلانىس جٶنٸندەگٸ باس باسقارماسىنىڭ باسشىسى فاحرەتتين التۋنعا شاقىرتۋ ٷشٸن العىس ايتىپ, ونى قر "اقپارات سالاسىنىڭ ٷزدٸگٸ" تٶسبەلگٸسٸمەن ماراپاتتادى. ول قازاقستان مەن تٷركييانى ەلباسى نۇرسۇلتان نازارباەۆ پەن پرەزيدەنت قاسىم-جومارت توقاەۆ ەرەكشە نازار اۋدارىپ وتىرعان دوستىق قارىم-قاتىناستار بايلانىستىراتىنىن اتاپ ٶتتٸ.
قر اقدم باسشىسى ٶزٸ باسقاراتىن ۆەدومستۆونىڭ جەتەكشٸلٸك ەتەتٸن سالالارى بويىنشا ەرٸپتەستٸكتٸ ودان ەرٸ دامىتۋعا دايىندىعىن جەتكٸزدٸ.
