QR Aqparat jáne qoǵamdyq damý ministri Aida Balaeva tilshiler qaýymyn 28 maýsym kúni atap ótiletin Buqaralyq aqparat quraldary qyzmetkerleriniń merekesimen quttyqtady, dep habarlaidy "Ult aqparat".
«Qurmetti áriptester, barshańyzdy kásibi merekelerińizben shyn júrekten quttyqtaimyn! Bul, tek qana qalam ustaǵan jýrnalisterdiń ǵana emes, aqparat salasynda júrgen barlyq qyzmetkerge ortaq meiram. Buqaralyq aqparat quraldary memleket saiasatynyń mańyzdy baǵyttarynyń biri. Sebebi, media tek resmi aqparat taratýdyń quraly emes, ol – ulttyq qaýipsizdik pen ideologiianyń da ózegi. Memleket saiasatyn túsindirýge, halyq pen bilik arasyn jalǵaityn altyn kópir. Sondyqtan, jýrnalisterdiń qoǵam aldyndaǵy azamattyq jáne áleýmettik jaýapkershiliki óte joǵary», - dedi ministr.
Sondai-aq vedomstvo basshysy Táýelsizdiktiń 30 jyly ishinde ulttyq media elimizben birge jańarý men damýdyń biik belesterinen ótkenin atap ótti.
«Aqparat salasynyń memlekettik basqarý protsesine yqpaly artyp keledi. Baspasózde saýatty kóterilgen máseleler memleket sapasyn kóterýge septigin tigizip júr. Prezidentimizdiń «halyq únine qulaq asatyn» qaǵidasynyń nátijeli iske asýynda da jýrnalisterdiń úlesi zor. Árbir jýrnalistiń búgingi kúndelikti eńbegi arqyly memleketimizdiń erteńgi tarihy jazylyp jatyr. Sondyqtan aqparat salasyn jańa deńgeige kóterip, biik talǵamdy qalyptastyrýdaǵy eńbekterińiz jana bersin.
Denderińizge saýlyq, otbasylaryńyzǵa amandyq, shyǵarmashylyq shalqar shabyt pen tolaiym tabys tileimin!», - dedi Aida Balaeva.
