قر اقپارات جەنە قوعامدىق دامۋ مينيسترٸ ايدا بالاەۆا تٸلشٸلەر قاۋىمىن 28 ماۋسىم كٷنٸ اتاپ ٶتٸلەتٸن بۇقارالىق اقپارات قۇرالدارى قىزمەتكەرلەرٸنٸڭ مەرەكەسٸمەن قۇتتىقتادى, دەپ حابارلايدى "ۇلت اقپارات".
«قۇرمەتتٸ ەرٸپتەستەر, بارشاڭىزدى كەسٸبي مەرەكەلەرٸڭٸزبەن شىن جٷرەكتەن قۇتتىقتايمىن! بۇل, تەك قانا قالام ۇستاعان جۋرناليستەردٸڭ عانا ەمەس, اقپارات سالاسىندا جٷرگەن بارلىق قىزمەتكەرگە ورتاق مەيرام. بۇقارالىق اقپارات قۇرالدارى مەملەكەت ساياساتىنىڭ ماڭىزدى باعىتتارىنىڭ بٸرٸ. سەبەبٸ, مەديا تەك رەسمي اقپارات تاراتۋدىڭ قۇرالى ەمەس, ول – ۇلتتىق قاۋٸپسٸزدٸك پەن يدەولوگييانىڭ دا ٶزەگٸ. مەملەكەت ساياساتىن تٷسٸندٸرۋگە, حالىق پەن بيلٸك اراسىن جالعايتىن التىن كٶپٸر. سوندىقتان, جۋرناليستەردٸڭ قوعام الدىنداعى ازاماتتىق جەنە ەلەۋمەتتٸك جاۋاپكەرشٸلٸكٸ ٶتە جوعارى», - دەدٸ مينيستر.
سونداي-اق ۆەدومستۆو باسشىسى تەۋەلسٸزدٸكتٸڭ 30 جىلى ٸشٸندە ۇلتتىق مەديا ەلٸمٸزبەن بٸرگە جاڭارۋ مەن دامۋدىڭ بيٸك بەلەستەرٸنەن ٶتكەنٸن اتاپ ٶتتٸ.
«اقپارات سالاسىنىڭ مەملەكەتتٸك باسقارۋ پروتسەسٸنە ىقپالى ارتىپ كەلەدٸ. باسپاسٶزدە ساۋاتتى كٶتەرٸلگەن مەسەلەلەر مەملەكەت ساپاسىن كٶتەرۋگە سەپتٸگٸن تيگٸزٸپ جٷر. پرەزيدەنتٸمٸزدٸڭ «حالىق ٷنٸنە قۇلاق اساتىن» قاعيداسىنىڭ نەتيجەلٸ ٸسكە اسۋىندا دا جۋرناليستەردٸڭ ٷلەسٸ زور. ەربٸر جۋرناليستٸڭ بٷگٸنگٸ كٷندەلٸكتٸ ەڭبەگٸ ارقىلى مەملەكەتٸمٸزدٸڭ ەرتەڭگٸ تاريحى جازىلىپ جاتىر. سوندىقتان اقپارات سالاسىن جاڭا دەڭگەيگە كٶتەرٸپ, بيٸك تالعامدى قالىپتاستىرۋداعى ەڭبەكتەرٸڭٸز جانا بەرسٸن.
دەندەرٸڭٸزگە ساۋلىق, وتباسىلارىڭىزعا اماندىق, شىعارماشىلىق شالقار شابىت پەن تولايىم تابىس تٸلەيمٸن!», - دەدٸ ايدا بالاەۆا.
