Aqparat jáne qoǵamdyq damý ministri Aida Balaeva «Astana Media Week 2020» ashylýynda sóz sóiledi, dep habarlaidy "Ult aqparat".
«Qazirgi ýaqytta bir adamnyń ózi ǵana aqparat kózine ainalatyn ýaqyt keldi. Ókinishke qarai keide osyndai adam shynaiy aqparat bermei, búkil eldi adastyrýy múmkin. Sol úshin kásibi jýrnalistikanyń damýyna múddelimiz. Osynaý mindet jańa tegeýrinderge qarai kúrdelenip bara jatqanyn da atap ótý kerek. Men eń aldymen jýrnalister shynaiy ári shuǵyl aqparattyń qanshalyqty mańyzdy ekenin túsinse deimin. Jalpy pandemiia aqparat salasyna óz áserin tigizdi. Iaǵni, jarnama berýshiler azaiyp, shyǵarylymdardyń danasy túsip ketti. Osyndai jaǵdaida kóptegen buqaralyq aqparat quraldary jabylýǵa májbúr boldy», - degen Aida Balaeva.
Ministrdiń aitýynsha qazirgi BAQ-tar arasynda oqyrman men kórermen yqylasyn aýdarý básekesi júrip jatyr.
«Sondyqtan árbir arna sapaly ári qyzyqty kontent jasaýdy oilaidy. Áleýmettik jeliler arqyly jumysyn kórsetýge tyrysady. Bul rette bizdiń BAQ joǵary biliktiligi men básekege qabilettiligin kórsetip keledi. Olar ózderiniń aýditoriiasy ár ýaqytta qyzyqty bolýyn tileimin», - deidi Aida Balaeva.
Eske sala ketsek elordada Astana Media Week 2020 ótip jatyr. Is-sharanyń negizgi maqsaty – otandyq mediasalany damytý men indýstriiadaǵy iskerlik qarym-qatynasty aimaqtyq jáne halyqaralyq deńgeide ilgeriletý. Mediaaptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jinap keledi jáne ózekti taqyryptar talqylanady.
