Ekpe jasaýdyń ózektiligi onyń sapasyn zańnamalyq deńgeide bekitý turǵysynan mańyzdy bolyp tur. QR Aqparat jáne qoǵamdyq damý ministri Aida Balaeva Qazaqstandaǵy mindetti ekpe máselesin talqylaýǵa arnalǵan onlain konferentsiiada osyndai pikir bildirdi, dep habarlaidy QazAqparat.
«Eń aldymen, osy otyrǵan barshańyzdy esen-aman kórgenime qýanyshtymyn. Bizdiń búgingi áńgimemiz de osy densaýlyqtyń ózekti máselesine tikelei qatysty bolǵandyqtan, ony kezekti pikirtalas alańyna shyǵaryp otyrmyz. Ózderińizge málim, bizdiń ministrligimiz qoǵamdaǵy eń ózekti, eldiń eń qarama-qaishy pikirleri toǵysqan máselelerdi ortaǵa salyp, osyndai oi-talas alańynda talqylap, durys tujyrymdar jinaqtaýdy dástúrge ainaldyrdy. Búgingi taqyrybymyz - eldi jappai vaktsinatsiialaý máselesi. Onyń mán-mazmunyn bilikti maman, sarabdal sarapshy retinde sizderden artyq eshkim bilmeidi», - dedi Qazaqstandaǵy mindetti ekpe máselesin talqylaýǵa arnalǵan onlain konferentsiiany ashqan Aida Balaeva.
Osy oraida ministr «Halyq densaýlyǵy jáne densaýlyq saqtaý júiesi týraly» kodeks jobasynyń aldyn alý ekpelerin salýǵa qatysty keibir tarmaqtary qoǵamnyń qyzý talqysyna túsip, ózekti problemaǵa ainalǵandyǵyn basa aitty.
«Biz bul taqyrypty tek qana ózekti bolǵany úshin ǵana emes, sonymen birge árbir azamatqa atalǵan sharalardyń zańnamalyq deńgeide bekitý qajettigin túsindirý jáne jetkizý turǵysynda barynsha mańyzdylyǵyna orai tańdap alǵanymyzdy atap ótken oryndy. Vaktsinatsiia mańyzdylyǵyn, ásirese, qazirgi búkil álem koronavirýs indetimen kúresip jatqan kezde qaita baǵalaý barynsha kúrdeli ekendigi sózsiz. Buǵan qosa, vaktsina ázirleýdiń oń nátijelerin taǵytsyzdana kútip otyrmyz», - dedi ol.
Onyń atap ótýinshe, vaktsinatsiiaǵa qarsy ideialar men pikirler de bar. Olardy de elemei ketýge bolmaidy.
«Óitkeni, kópshiligi vaktsinatsiianyń ózine emes, onyń sapasyna qarsy. Dál osy oraida jańa kodeks atalǵan erekshelikterdiń bárin eskerip, jaýapkershiliktiń, onyń ishinde sapasyz vaktsinatsiia úshin de naqty tetikterin engizedi. Ózderińiz kórip otyrǵandai, bul máselede barynsha syndarly saiasat qajet. Onyń sátti júzege asyrylýyna siz ben bizdiń densaýlyǵymyz ǵana emes, sonymen birge balalarymyz ben nemerelerimizdiń de aman-esendigi bailanysty. Shyndap kelgende bolashaq densaýlyq kepili de. Sondyqtan da biz úshin túrli pikirlerdi jáne eń aldymen oǵan qatysty sarapshylardyń pikirlerin estý mańyzdy. Búgingi bizdiń kezdesýimiz qoǵamdaǵy zań jobasyna qatysty barlyq negizgi máselelerge laiyqty jaýap tabatyndyǵyna senimdimin», - dedi Aida Balaeva.
