ەكپە جاساۋدىڭ ٶزەكتٸلٸگٸ ونىڭ ساپاسىن زاڭنامالىق دەڭگەيدە بەكٸتۋ تۇرعىسىنان ماڭىزدى بولىپ تۇر. قر اقپارات جەنە قوعامدىق دامۋ مينيسترٸ ايدا بالاەۆا قازاقستانداعى مٸندەتتٸ ەكپە مەسەلەسٸن تالقىلاۋعا ارنالعان ونلاين كونفەرەنتسييادا وسىنداي پٸكٸر بٸلدٸردٸ, دەپ حابارلايدى قازاقپارات.
«ەڭ الدىمەن, وسى وتىرعان بارشاڭىزدى ەسەن-امان كٶرگەنٸمە قۋانىشتىمىن. بٸزدٸڭ بٷگٸنگٸ ەڭگٸمەمٸز دە وسى دەنساۋلىقتىڭ ٶزەكتٸ مەسەلەسٸنە تٸكەلەي قاتىستى بولعاندىقتان, ونى كەزەكتٸ پٸكٸرتالاس الاڭىنا شىعارىپ وتىرمىز. ٶزدەرٸڭٸزگە مەلٸم, بٸزدٸڭ مينيسترلٸگٸمٸز قوعامداعى ەڭ ٶزەكتٸ, ەلدٸڭ ەڭ قاراما-قايشى پٸكٸرلەرٸ توعىسقان مەسەلەلەردٸ ورتاعا سالىپ, وسىنداي وي-تالاس الاڭىندا تالقىلاپ, دۇرىس تۇجىرىمدار جيناقتاۋدى دەستٷرگە اينالدىردى. بٷگٸنگٸ تاقىرىبىمىز - ەلدٸ جاپپاي ۆاكتسيناتسييالاۋ مەسەلەسٸ. ونىڭ مەن-مازمۇنىن بٸلٸكتٸ مامان, سارابدال ساراپشى رەتٸندە سٸزدەردەن ارتىق ەشكٸم بٸلمەيدٸ», - دەدٸ قازاقستانداعى مٸندەتتٸ ەكپە مەسەلەسٸن تالقىلاۋعا ارنالعان ونلاين كونفەرەنتسييانى اشقان ايدا بالاەۆا.
وسى ورايدا مينيستر «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» كودەكس جوباسىنىڭ الدىن الۋ ەكپەلەرٸن سالۋعا قاتىستى كەيبٸر تارماقتارى قوعامنىڭ قىزۋ تالقىسىنا تٷسٸپ, ٶزەكتٸ پروبلەماعا اينالعاندىعىن باسا ايتتى.
«بٸز بۇل تاقىرىپتى تەك قانا ٶزەكتٸ بولعانى ٷشٸن عانا ەمەس, سونىمەن بٸرگە ەربٸر ازاماتقا اتالعان شارالاردىڭ زاڭنامالىق دەڭگەيدە بەكٸتۋ قاجەتتٸگٸن تٷسٸندٸرۋ جەنە جەتكٸزۋ تۇرعىسىندا بارىنشا ماڭىزدىلىعىنا وراي تاڭداپ العانىمىزدى اتاپ ٶتكەن ورىندى. ۆاكتسيناتسييا ماڭىزدىلىعىن, ەسٸرەسە, قازٸرگٸ بٷكٸل ەلەم كوروناۆيرۋس ٸندەتٸمەن كٷرەسٸپ جاتقان كەزدە قايتا باعالاۋ بارىنشا كٷردەلٸ ەكەندٸگٸ سٶزسٸز. بۇعان قوسا, ۆاكتسينا ەزٸرلەۋدٸڭ وڭ نەتيجەلەرٸن تاعىتسىزدانا كٷتٸپ وتىرمىز», - دەدٸ ول.
ونىڭ اتاپ ٶتۋٸنشە, ۆاكتسيناتسيياعا قارسى يدەيالار مەن پٸكٸرلەر دە بار. ولاردى دە ەلەمەي كەتۋگە بولمايدى.
«ٶيتكەنٸ, كٶپشٸلٸگٸ ۆاكتسيناتسييانىڭ ٶزٸنە ەمەس, ونىڭ ساپاسىنا قارسى. دەل وسى ورايدا جاڭا كودەكس اتالعان ەرەكشەلٸكتەردٸڭ بەرٸن ەسكەرٸپ, جاۋاپكەرشٸلٸكتٸڭ, ونىڭ ٸشٸندە ساپاسىز ۆاكتسيناتسييا ٷشٸن دە ناقتى تەتٸكتەرٸن ەنگٸزەدٸ. ٶزدەرٸڭٸز كٶرٸپ وتىرعانداي, بۇل مەسەلەدە بارىنشا سىندارلى ساياسات قاجەت. ونىڭ سەتتٸ جٷزەگە اسىرىلۋىنا سٸز بەن بٸزدٸڭ دەنساۋلىعىمىز عانا ەمەس, سونىمەن بٸرگە بالالارىمىز بەن نەمەرەلەرٸمٸزدٸڭ دە امان-ەسەندٸگٸ بايلانىستى. شىنداپ كەلگەندە بولاشاق دەنساۋلىق كەپٸلٸ دە. سوندىقتان دا بٸز ٷشٸن تٷرلٸ پٸكٸرلەردٸ جەنە ەڭ الدىمەن وعان قاتىستى ساراپشىلاردىڭ پٸكٸرلەرٸن ەستۋ ماڭىزدى. بٷگٸنگٸ بٸزدٸڭ كەزدەسۋٸمٸز قوعامداعى زاڭ جوباسىنا قاتىستى بارلىق نەگٸزگٸ مەسەلەلەرگە لايىقتى جاۋاپ تاباتىندىعىنا سەنٸمدٸمٸن», - دەدٸ ايدا بالاەۆا.
